| e-texts navigator |
| Wylie |
95b1 ཆེན་པོ་ཉོན་ཅིག། བདེ་བར་གཤེགས་པ་རྣམས་ཀྱི་རྒྱུད་གསང་བའི་དོན་རྣམ་པ་གསུམ་སྟེ། དོན་དང་ལུས་དང་ངེས་པའི་གསང་བ་དང་གསུམ་མོ།། དེའི་དོན་ནི་བཀྲི་བའི་དོན་མ་ཡིན་གྱི་ངེས་པའི་དོན་གཏན་ལ་ཕབ
95b2 པའོ།། དེ་ལ་བདེ་བར་གཤེགས་པ་རྣམས་དང་། སྣོད་བཅུད་ནམ་མཁའ་བསྡུས་པའི་ཆོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མ་ལུས་ལུས་པ་མེད་པ་ཐམས་ཅད་དོན་གཅིག་སྟེ་སྐུ་གསུང་ཐུགས་སུ
95b3 འདུས་སོ།། སྐུ་གསུང་ཐུགས་ཀྱི་དོན་ནི་དབྱེར་མེད་དེ། གང་གིས་ས་མི་ཤིགས་གང་གི་མི་ཆོད་གང་གི་མི་ཕྱེད་པ་རྡོ་རྗེ་ལྟ་བུའོ།། སྐུ་གསུང་ཐུགས་སུ་མ་གྱུར་པའི་དངོས་པོར་ལུས་པའི་ཆོས་གཅིག་ཀྱང་མེད་པས་སྐུ
95b4 གསུང་ཐུགས་ལྷུན་གྱིས་རྫོགས་པར་གཏན་ལ་ཕབ་པའོ།། དེའི་ཕྱིར་རྡོ་རྗེའི་ཆོས་སོ།། རྡོ་རྗེའི་ཐེག་པའོ།། ལུང་འདི་བསྒོམ་པ་ལས་ཤེས་པར་བྱའོ།། བསྒོམ་པ་ནི་ལྷ་དང་བདག་ཏུ་དོན་གཅིག་པས་གཉིས་སུ་མེད་པ
95b5 ལ་བྱའོ།། ཤེས་པར་བྱ་བ་ནི་ཆོས་ཐམས་ཅད་ཀྱི་དོན་མ་ནོར་བར་ཤེས་པ་དང་། བདག་ཉིད་ཀྱི་རང་བཞིན་ཤེས་པར་བྱ་བ་དང་། བལྟ་བ་མ་ནོར་བར་ཤེས་པར་བྱ་བ་དང་། རྡོ་རྗེ་སེམས་དཔའི་ཐུགས་གསང་བའི་རྒྱུད
95b6 མ་ནོར་བར་ཤེས་པར་བྱ་བ་དང་། རྡོ་རྗེ་སེམས་དཔའི་རང་བཞིན་ཤེས་པར་བྱ་བ་དང་། རྡོ་རྗེ་སེམས་དཔའི་ཡོན་ཏན་དང་། རྡོ་རྗེ་སེམས་དཔའི་རྣམ་པར་རོལ་པ་ཆེན་པོ་མ་ནོར་བར་ཤེས་པ་དང་། རྡོ་རྗེ་སེམས
iiif viewer powered by OpenSeadragon
