| e-texts navigator |
| Wylie |
94b1 རྣམས་དབང་གྱུར་པ།། ང་ཡི་ལུས་ཉིད་སྔགས་ཀྱི་ལྷ།། རྟག་པར་མཆོད་ན་སངས་རྒྱས་འགྲུབ།། གང་གིས་མཆོད་པས་དངོས་གྲུབ་ཐོབ།། ངག་དང་ཡིད་ཀྱང་ཕྱག་རྒྱ་ཡིས།། སྤྱོད་པ་ཅི་ཡང་སྤྲུལ་པའི་སྐུ།། དངོས་གྲུབ
94b2 མཆོག་རྣམས་བདག་ལས་བྱུང་།། བྱང་ཆུབ་མྱུར་དུ་ཐོབ་པ་ཡིན།། ལུས་དང་ངག་དང་གསང་བའི་སྔགས།། ནམ་མཁའ་བཞིན་དུ་མཉམ་པར་གནས།། སེམས་ལ་དམིགས་པ་བདག་མེད་པ།། ལྷ་ཡི་ཏིང་འཛིན་གསང
94b3 བཔབའི་སྔགས།། ངོ་བོ་ཉིད་ཀྱིས་དམིགས་སུ་མེད།། ཀྱེ་སེམས་དཔའ་ཆེན་པོ། ང་བྱང་ཆུབ་ཀྱི་སྙིང་པོ་ན་བཞུགས་པའི་སྟོང་པའི་ཆོས་ལ་སྟོང་པའི་ཆོས་མེད་དེ་མི་གནས་སོ།། བྱང་ཆུབ་སེམས་ལ་བྱང་ཆུབ་ཏུ་བསྒྲུབ་པའི
94b4 སེམས་མེད་དེ་མི་གནས་སོ།། སྲིད་པའི་ཆོས་ཐམས་ཅད་ལ་སྲིད་པ་མེད་དེ་མི་གནས་སོ།། ཆོས་ལ་སེམས་མེད་པས་རྣམ་པར་དག་པ་ལ་གཉིས་མེད་དོ།། སེམས་ཅན་ཐམས་ཅད་མངོན་པར་རྫོགས་པར་སངས་རྒྱས
94b5 པའི་ཕྱིར། ཡིད་ལ་བྱེད་པར་མངོན་པར་སངས་རྒྱས་སོ།། སེམས་ཅན་གསང་བ་མཆོག་གི་དཀྱིལ་འཁོར་གྱི་ཡེ་ཤེས་ཀྱི་ལྷ་ཉིད་ཡིན་པས། སངས་རྒྱས་ཀུན་གྱི་གསང་བར་མཛད་པའོ།། ང་ལས་བྱུང་བའི་ཆོས་ཆེན་པོ
94b6 ལྔ་ཉིད། ཡེ་ཤེས་གསང་བའི་དཀྱིལ་འཁོར་གྱི་ལྷ་ཉིད་ཡིན་པས་དངོས་གྲུབ་གཞན་ནས་བསླང་དུ་མེད་པས། དུས་གསུམ་གྱི་བདེ་བར་གཤེགས་པ་གསང་བ་ཆེན་པོ་ཉིད་དོ།། སེམས་དཔའ་ཆེན་པོ། སངས་རྒྱས་ཀུན
iiif viewer powered by OpenSeadragon
