| e-texts navigator |
| Wylie |
93b1 སོགས་པ་དང་། སྒྲ་སྐད་མང་པོ་འབྱུང་བ་རྣམས་ལ་གསུང་དུ་མ་གྱུར་པ་གཅིག་ཀྱང་མེད་དེ། སྐུ་དང་ཐུགས་ཉིད་གསུང་ངོ་།། གསུང་ཐུགས་ཉིད་སྐུ་ཡིན་ཏེ། གསུང་སྤྲུལ་པའི་སྐུ། ཐུགས་སྙིང་པོ་བྱང་ཆུབ་མཆོག་གི་སྐུ།
93b2 སྐུ་ལོངས་སྤྱོད་རྫོགས་པའི་སྐུའོ།། སེམས་དཔའ་ཆེན་པོ། དེ་བཞིན་གཤེགས་པ་རྣམས་ཀྱི་རང་བཞིན་ནི། སྐུ་རྨད་དུ་བྱུང་བ་འདི་ཉིད་ཡིན་པར་རིག་པར་བྱའོ།། ཡེ་ནས་ཡོད་ཅིང་རྟག་པར་བཞུགས།། རང་བྱུང་ཆེ་བའི
93b3 བདག་ཉིད་སྐུ།། བདག་ཉིད་ཡེ་ནས་དག་པ་ཆོས་ཀྱི་སྐུ།། བདག་ཉིད་སྐུ་གསུམ་ལྷུན་གྱིས་གྲུབ།། འགྱུར་བ་མེད་པས་བསོད་ནམས་སྐུ།། ཡེ་ནས་རྫོགས་པས་སྤྲུལ་པའི་སྐུ།། ལྷུན་གྱིས་རྫོགས་པས་ལོངས་སྤྱོད་རྫོགས
93b4 པའི་སྐུ། བྱ་རྩོལ་མེད་པས་སྙིང་པོ་བྱང་ཆུབ་སྐུའོ།། ཆོས་ཆེན་པོ་རྨད་དུ་བྱུང་བ་ལས། སྐུ་གསུང་ཐུགས་བསྟན་པའི་ལེའུ་སྟེ་བཅུ་པའོ།། །། སེམས་དཔའ་ཆེན་པོ། འདོད་ཆགས་དང་ནི་ཞེ་སྡང་དང་།། གཏི་མུག་ང
93b5 རྒྱལ་ཕྲག་དོག་ནི།། རྡོ་རྗེ་ཐེག་པ་ཆེན་པོ་ཉིད།། སྙིང་རྗེ་མེད་པར་གསོད་པ་དང་།། འཇིགས་པ་མེད་པར་སྦྱོར་བ་དང་།། གཙང་སྨེ་མེད་པར་ཟ་བ་དང་།། རང་གི་ཁུ་བས་རང་མཆོད་པ།། རྡོ་རྗེ་ཐེག་པའི་ཆོས་ཉིད
93b6 ཡིན།། སེམས་ཅན་བརྩེ་བ་མེད་པ་དང་།། མ་བྱིན་ལེན་དང་མི་ཚངས་སྤྱོད།། གཞན་ལ་སློང་བར་མི་བྱེད་པ།། རྡོ་རྗེ་ཐེག་པའི་དམ་ཚིག་སྟེ།། ཇི་སྙེད་རང་བྱུང་བྱང་ཆུབ་སེམས།། བདེ་བ་གསལ་བའི་དཀྱིལ་འཁོར
iiif viewer powered by OpenSeadragon
