| e-texts navigator |
| Wylie |
92b1 ས་ཆེན་པོ་རྫོགས་པ་གཅིག་པུ་ལས་མ་གཏོགས་པར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གྱི་ཡུལ་དང་གནས་ཉིད་ལས་མེད་པས་ང་ལས་བྱུང་བའི་ཆོས་ལས་སེམས་ཅན་གྱི་ཡུལ་དང
92b2 གནས་མེད་དོ།། སྐུ་རྨད་དུ་བྱུང་བ་དང་། བྱང་ཆུབ་ཀྱི་སེམས་རྨད་དུ་མེད་པའི་རང་བཞིན་བསྟན་པས་ངེས་པའི་གསང་བའི་མན་ངག་བསྟན་པའོ།། སེམས་དཔའ་ཆེན་པོ། རྒྱལ་བ་རྣམས་ཀྱི་སྐུ་སྣ་ཚོགས་ཅིར་ཡང་སྣང
92b3 བ་ནི། ཀུན་ཏུ་རིན་ཆེན་ལྟ་བུ་སྟེ། ཞེས་གསུངས་པ་ཡིན་ནོ།། སྐུའི་ཁ་དོག་ཇི་ལྟར་སྣ་ཚོགས་ཅིར་ཡང་རོལ་པ་ནི་རིན་ཆེན་དང་འདྲ་སྟེ། རིན་པོ་ཆེ་དཀར་པོ་ཡང་རིན་པོ་ཆེའོ།། དམར་པོ་དང་སེར་པོ་དང་སྔོན་པོ་དང་།
92b4 ལྡལྗང་གུ་ལ་སོགས་པ་ནི་ཁ་དོག་ཅི་འདྲ་ཡང་རིན་པོ་ཆེ་ཉིད་དོ།། འདི་ནི་རིན་པོ་ཆེ་ཡིན་ལ་འདི་ནི་རིན་པོ་ཆེ་མིན་པ་ནི་མ་ཡིན་ནོ།། དེ་བཞིན་དུ་རྒྱལ་བ་རྣམས་ཀྱི་སྐུ་ཡང་ཁ་དོག་ཐམས་ཅད་དུ་སྣང་བ་དང་།
92b5 དབྱིབས་ཐམས་ཅད་ཇི་ལྟ་བུར་འདུག་པ་དང་། དྲི་ཅི་མནམ་པ་དང་། རོ་ཇི་ལྟར་བྲོ་བ་དང་། གཟུགས་ཇི་ལྟར་སྣང་བ་དང་། སྒྲ་ཇི་ལྟར་ཐོས་པ་དང་། རེག་བྱ་ཇི་ལྟར་ཚོར་བ་ཐམས་ཅད་ཉིད་ཀྱི་སྐུ་ཡིན་ཏེ། རྒྱལ་བའི
92b6 རྒྱལ་བ་རྣམས་ཀྱི་སྐུ་ཡིན་གྱི་ཁ་དོག་དང་དབྱིབས་འདི་ནི་རྒྱལ་བའི་སྐུ་ཡིན། འདི་ནི་མ་ཡིན་པ་ལྟ་བུ་ནི་མ་ཡིན་ནོ།། དེའི་ཕྱིར་སངས་རྒྱས་རྣམས་ཀྱི་ཡེ་ཤེས་སྐུ།། སྣ་ཚོགས་གཟུགས་ཅན་ཡིད་ལས་སྐྱེས།། ཞེས
iiif viewer powered by OpenSeadragon
