| e-texts navigator |
| Wylie |
91b1 མངོན་པར་བསྟན་པ་ཉིད་དོ།། སྐུ་གསུང་ཐུགས་མཐར་མི་ཟད་པའི་མཛོད་དོ།། སྟོན་པ་མཐར་མི་ཟད་པའི་དོན་ཉིད་དོ།། སྐུ་གསུང་ཐུགས་རོལ་པའི་ཆོ་འཕྲུལ་ཆེན་པོ་རོལ་པ་ཉིད་དོ།། རྫུ་འཕྲུལ་ཆེན་པོ་ཉིད་ཀྱི་རང
91b2 བཞིན་ནི་ངའི་མཐུ་ལས་བྱུང་བ་ཉིད་དོ།། ངའི་སྟོབས་ལས་བྱུང་བའི་ཆོས་སོ།། སྐུ་གསུང་ཐུགས་མི་ཟད་པའི་རྒྱན་གྱི་འཁོར་ལོ་ཉིད་དོ།། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་འདི་དག་ཐམས་ཅད་ནི་ང་ཉིད
91b3 ཀྱི་ཡུལ་ལོ།། བཞུགས་གནས་སོ།། གཞལ་ཡས་ཁང་ངོ་།། འདི་དག་ཐམས་ཅད་ནི་ངའི་སྐུའོ།། ངའི་གསུང་ངོ་།། ངའི་ཐུགས་སོ།། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་འདི་དག་ཐམས་ཅད་ནི། སངས
91b4 རྒྱས་ཀྱི་ས་རྫོགས་པ་ཆེན་པོ་ཉིད་དོ།། སངས་རྒྱས་ཉིད་དོ།། བྱང་ཆུབ་ཆེན་པོར་རྫོགས་པ་ཉིད་དོ།། སངས་རྒྱས་ཀྱི་ཞིང་བདེ་བ་ཆེན་པོ་ཉིད་དོ།། བྱང་ཆུབ་ཀྱི་ས་ཉིད་དོ།། བྱང་ཆུབ་ཀྱི་སེམས་རྨད་དུ་བྱུང་བ་ཐམས
91b5 ཅད་ཀྱི་ངོ་བོ་ཉིད་ཡིན་ནོ།། སྐུ་རྨད་དུ་བྱུང་བ་ཉིད་དོ།། གསུང་རྨད་དུ་བྱུང་བ་ཉིད་ཡིན་ནོ།། ཐུགས་རྨད་དུ་བྱུང་བ་ཉིད་ཡིན་ནོ།། ཆོས་རྨད་དུ་བྱུང་བ་ཉིད་ཡིན་ནོ།། གསང་བ་རྨད་དུ་བྱུང་བ་ཉིད་ཡིན་ནོ།། རོལ་པ་རྨད
91b6 དུ་བྱུང་བ་ཉིད་ཡིན་ནོ།། མཛད་པ་རྨད་དུ་བྱུང་བ་ཉིད་ཡིན་ནོ།། རྫུ་འཕྲུལ་རྨད་དུ་བྱུང་བ་ཉིད་ཡིན་ནོ།། བྱང་ཆུབ་སེམས་རྨད་དུ་བྱུང་བ་ཡང་འདི་ཉིད་ཡིན་ནོ།། སངས་རྒྱས་ཀྱི་ས་ཆེན་པོ་རྨད་དུ་བྱུང་བ་ཡང་འདི་ཉིད
iiif viewer powered by OpenSeadragon
