| e-texts navigator |
| Wylie |
90a1 གསུང་ཐུགས་ཀྱི་རོལ་པ་ཆེན་པོ་རྣམ་པ་ཅིར་ཡང་རོལ་ཅིང་ཆོས་ཐམས་ཅད་ལ་མཛད་པ་དང་། ཆོས་ཐམས་ཅད་ལ་རོལ་པ་རྟག་ཏུ་མཛད་པའི་དོན་དུ་དེ་བཞིན་གཤེགས་པས་མཛད་དོ།། ཆེན་པོ་ལྔ་མེད
90a2 པའི་སྔོན་རོལ་ན། དེ་བཞིན་གཤེགས་པའི་སྐུ་ནི་དེ་བཞིན་དུ་རང་བྱུང་བ་སྟེ། སྐུའི་འོད་ལ་བཞུགས་ཤིང་གསུང་གི་ཟེར་ལ་རོལ་ལོ།། ཆོས་ཆེན་པོ་རྨད་དུ་བྱུང་བ་ལས། བྱང་ཆུབ་ཀྱི་སེམས་ཡེ་ནས་མི་མཉམ་པའི་ལེའུ
90a3 སྟེ་བརྒྱད་པའོ།། །། སེམས་དཔའ་ཆེན་པོ། བྱང་ཆུབ་ཀྱི་སེམས་གསང་བ་རྨད་དུ་བྱུང་བ་འདི་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སངས་རྒྱས་ཉིད་ཀྱིས་མཛད
90a4 པས། གསང་བ་རྨད་དུ་བྱུང་བའོ།། སངས་རྒྱས་ཉིད་ལས་གསང་བ་རྨད་དུ་བྱུང་བའོ།། སངས་རྒྱས་ཉིད་ཡེ་ཤེས་ལས་སྐྱེས་པས་གསང་བ་རྨད་དུ་བྱུང་བའོ།། བདག་ཉིད་ཀྱི་རིག་པའི་ཡེ་ཤེས་ལས་མ་སྐྱེས་པ་དང་མ
90a5 བྱུང་བ་དང་། རང་རིག་པའི་ཡེ་ཤེས་ཀྱིས་མ་ཁྱབ་པའི་ཆོས་གང་ཡང་མེད་པས་གསང་བ་རྨད་དུ་བྱུང་བའི་ཆོས་ཆེན་པོ་སྟེ། སེམས་དཔའ་ཆེན་པོ་ཉིད་དང་། བྱང་ཆུབ་སེམས་དཔའ་རྣམས་ཀྱིས་རྟོགས་པར་དཀའ་བའི
90a6 ཕྱིར་གསང་བ་མཆོག་གི་དམ་པའོ།། ཆོས་ཆེན་པོ་རྨད་དུ་བྱུང་བ་ལས། གསང་བ་དམ་པ་བསྟན་པའི་ལེའུ་སྟེ་དགུ་པའོ།། །། སེམས་དཔའ་ཆེན་པོ། རྡོ་རྗེ་སེམས་དཔའི་ཐུགས་གསང་བའི་རྒྱུད་ནི། སྐུ་གསུང་ཐུགས
iiif viewer powered by OpenSeadragon
