| e-texts navigator |
| Wylie |
8b1 པ།། ཡེ་ཤེས་རང་བྱུང་ཆོས་ཀྱི་སྐུ།། ཀུན་བཟང་ཡེ་ཤེས་ཆོས་ཀྱི་སྒོ།། བསྟན་པ་མ་ལུས་ཇི་སྙེད་པ།། བྱར་མེད་རང་བྱུང་སེམས་སུ་བཤད།། དེ་ཉིད་གང་ལ་དེ་དག་སྟེ།། གང་ལ་བཤད་པ་ཤུགས་ཀྱིས་གོ།། སྣང་དང
8b2 སྲིད་པའི་ཆོས་རྣམས་ཀུན།། རང་བྱུང་སེམས་ལས་མ་གཡོས་པས།། རང་རིག་རྫོགས་པ་ཤུགས་ཀྱིས་གསལ།། གང་ལ་གང་གསལ་ངོ་བོ་བསྟན།། ཤུགས་ཀྱིས་བརྒྱུད་ནས་དེ་མཐོང་བ།། རང་བྱུང་ཉི་མའི་འོད་ཀྱི
8b3 མཆོག། མ་བཅོས་གསལ་བའི་འཁོར་ལོ་ལ།། འཛིན་པའི་དྲི་མ་ཀུན་གྱིས་དབེན།། མན་ཤེལ་འོད་ལྟར་རིག་པ་འཆར།། བདེ་ཆེན་རིག་པའི་འཁོར་ལོར་བཤད།། བརྡ་དོན་སྒོ་ཡིས་རྒྱུད་དོན་རྟོགས།། རིག་པའི་གདེང
8b4 ལྡན་ཡེ་ཤེས་ཀློང་།། གསང་བའི་ཡེ་ཤེས་དགོངས་པ་ལ།། ཐུགས་རྗེ་རིན་ཆེན་འོད་ལྟར་འཕྲོ།། ཚིག་གི་དོན་བྲལ་ཡེ་ཤེས་རྫོགས་པ་ཆེ།། བརྡ་སྒོ་ལམ་གྱི་ཞེན་པ་གང་བཟློག་ཀྱང་།། བརྡའ་དང་ཐ་སྙད་རིག་པའི་སྙིང
8b5 པོར་འཆར།། རང་བྱུང་རྩ་བ་མ་ལུས་གཅིག་ཏུ་རྟོགས།། སྦྱོར་ལྡན་ལམ་གྱིས་རྟོག་པ་མ་ལུས་འདུལ།། དངོས་གྲུབ་རང་བྱུང་དགོས་གཅེས་བསམ་མི་ཁྱབ།། སྒྲོན་མེས་གསལ་བཞིན་ཡི་གེས་དོན་དུ་བཤད།། བརྡ་བྲལ
8b6 སྟོང་ཉིད་རང་ལ་བཟློག་པར་བྱ།། དེ་ཉིད་བཞིན་ཏེ་ཐམས་ཅད་ཀུན་ལ་ཡིན།། རང་བྱུང་བདེ་ཆེན་འཁོར་ལོ་ལ།། ཡེ་ཤེས་དོན་དུ་རང་གསལ་ཞིང་།། འཛིན་མེད་རིག་པའི་མཁའ་ལ་བཞག། རྒྱུ་བ་མེད་པའི་ཡེ་ཤེས
iiif viewer powered by OpenSeadragon
