| e-texts navigator |
| Wylie |
8a1 བདག། བཙལ་མེད་ལམ་གྱི་འཛིན་དང་བྲལ།། འཛིན་མེད་འཁོར་ལོ་འབར་བའི་སྐུ།། དུས་གསུམ་ཉིད་དུ་འདའ་བ་མེད།། ཅེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། ཏིང
8a2 འཛིན་ཡེ་ཤེས་སུ་བསྟན་པའི་ལེའུ་སྟེ་བཞི་པའོ།། །། དེ་ནས་རིག་པའི་རྒྱལ་པོས་ཡང་སེམས་ཉིད་ཕུན་སུམ་ཚོགས་པའི་དོན་གསལ་བར་བྱ་བའི་ཆེད་དུ་འདི་སྐད་ཅེས་གསུངས་སོ།། རང་བྱུང་རྣམ་དག་ཡེ་ཤེས
8a3 སྐུ།། བརྗོད་མེད་རིག་པའི་བསྟན་པ་བཀྲམ།། རང་སྣང་རིག་པ་སྨིན་པའི་འཁོར།། ཡེ་ཤེས་རྫོགས་པའི་རོལ་པ་བཤད།། རང་བྱུང་འོད་གསལ་གཅིག་ལ་རྫོགས།། རྩོལ་བྱས་དམན་པའི་འདུས་འཁོར་ལ།། བློ་དང
8a4 མཐུན་པར་བསྟན་པ་བསྔགས།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ།། ཡེ་ཤེས་ཀུན་བཟང་སྟོན་པའི་ཐུགས།། དབྱེར་མེད་རང་བྱུང་ངོ་བོ་ཉིད།། བདེ་ཆེན་ལྷུན་གྲུབ་ཆོས་ཀྱི
8a5 དབྱིངས།། རྣམ་རྟོག་ཕྱི་ནང་ཇི་སྙེད་པ།། རང་བྱུང་གསལ་བའི་དོན་ལ་འདུས།། རྣམ་དག་རྫོགས་པ་དེ་ཉིད་ཀྱང་།། དྲན་བཞིན་ལོག་པའི་རྨོངས་པས་བཅིངས།། སྣང་མེད་རང་བྱུང་བདེ་ཆེན་ལ།། སྣ་ཚོགས་དངོས
8a6 པོར་རང་སེམས་འཁྲུལ།། བདེ་འབྱམས་དབྱིངས་ལས་མ་གཡོས་ཀྱང་།། འཁྲུལ་རྟོག་སྡུག་བསྔལ་སྣ་ཚོགས་མྱོང་།། རྣམ་དག་མི་གཡོ་ཐུགས་རྗེས་ཤོད།། ཅེས་ཞུས་སོ།། དེ་ནས་རིག་པའི་རྒྱལ་པོས་བཀའ་སྩལ
iiif viewer powered by OpenSeadragon
