| e-texts navigator |
| Wylie |
89a1 སྣ་ཚོགས་ཅིར་ཡང་སྟོན།། ཁྱོད་ལས་ཆོ་འཕྲུལ་སྣ་ཚོགས་འབྱུང་།། རོལ་པའི་སྐུར་ནི་ཅིར་ཡང་རོལ།། སངས་རྒྱས་རོལ་པ་ཁྱོད་ལས་བྱུང་།། སེམས་དཔའ་ཆེན་པོ་ཐམས་ཅད་ཁྱོད་ཉིད་ལས་བྱུང
89a2 བའོ།། སེམས་དཔའ་ཆེན་པོ་འདི་ནི་སངས་རྒྱས་ཐམས་ཅད་ཀྱི་གསང་བ་རྨད་དུ་བྱུང་བའོ།། སེམས་དཔའ་ཆེན་པོ་ཉོན་ཅིག་ཐམས་ཅད་མཁྱེན་པའི་ཡེ་ཤེས་ཀྱིས་ཐམས་ཅད་མཛད་དོ།། ཆགས་པ་དང་བྲལ་བའི་ལུས
89a3 ལས་འདས་པ་ནི་ཁྱོད་དོ།། ངའི་བྱང་ཆུབ་ཀྱི་སེམས་ཕྲ་ཞིང་ཟག་པ་མེད་པ། ས་བོན་དང་བྲལ་བ། རྡུལ་མེད་པ། རྡུལ་དང་བྲལ་བ། དྲི་མ་མེད་པ་ནི་བདེ་བར་གཤེགས་པ་རྣམས་དང་། སེམས་ཅན་ཐམས་ཅད་ལ
89a4 གནས་པ་ཡིན་ནོ།། འདི་ནི་སངས་རྒྱས་ཐམས་ཅད་ཀྱི་གསང་བའི་བྱང་ཆུབ་ཀྱི་སེམས་གསང་བ་དམ་པའོ།། སེམས་དཔའ་ཆེན་པོ་དེ་བཞིན་གཤེགས་པ་ནི་འདི་ལྟར་རིག་པར་བྱའོ།། ཡེ་ཤེས་ལུས་ཅན་དེ་བཞིན
89a5 གཤེགས་པ་དེ་ནི་སྐུའི་འོད་ལ་བཞུགས་ཤིང་། གསུང་གི་ཟེར་ལ་རོལ་ཏེ། དེའི་ཕྱིར་རྣམ་པར་དག་པ་ནམ་མཁའ་དང་འདྲ་བའི་སྐུའོ།། དེ་ཡང་ཡངས་པ་དང་། ཀུན་ལ་ཁྱབ་པར་གནས་པ་དང་། འགོག་པ་མེད་པར
89a6 སྙོམས་པར་གྱུར་པ་ནི་ནམ་མཁའོ།། གསལ་ཞིང་སྣང་བ་ཐམས་ཅད་ནི་སྐུའི་འོད་ཡིན་ཞིང་། ནམ་མཁའི་རང་བཞིན་མ་ཡིན་ནོ།། ཆེན་པོ་ལྔ་ལ་སོ་སོར་གསལ་བ་དང་། སྣང་བ་ཆེན་པོ་ཡོད་པ་ནི། ཆེན་པོ་ལྔ་ཉིད
iiif viewer powered by OpenSeadragon
