| e-texts navigator |
| Wylie |
88b1 གཏན་ལ་ཕབ་པ་ལ། ཕྱིན་ཅི་ལོག་ཏུ་རྟོགས་པ་དེ་ལ་ཕྲག་དོག་པ་དང་། ཆོས་ཐམས་ཅད་བདེ་བར་གཤེགས་པ་ཡིན་པ་ལས་དེ་ལྟར་མ་རྟོགས་པ་ལ་ཕྲག་དོག་པ་དང་། ཆེ་བའི་ལམ་ཡིན་པ་ལ་རྣམ་པར་ཐར་པ་མ
88b2 མཐོང་བ་ལ་ཕྲག་དོག་པའོ།། ཆོས་ཆེན་པོ་རྨད་དུ་བྱུང་བ་ལས། བྱང་ཆུབ་སེམས་དཔས་ཐར་པའི་ལམ་བསྟན་པའི་ལེའུ་སྟེ་བདུན་པའོ།། །། རྡོ་རྗེ་སེམས་དཔའ་ཆེན་པོ་ཁྱོད།། ཡང་དག་སངས་རྒྱས་ལམ་རིག
88b3 པ།། ནམ་མཁའ་ལྟ་བུར་སྐྱེ་བ་མེད།། རྣམ་དག་ཕུང་པོ་ལྔ་བདེ་བ།། སྣ་ཚོགས་ངེས་པར་ཁྱོད་ལས་བྱུང་།། ཁྱོད་ལས་མ་བྱུང་གཅིག་ཀྱང་མེད།། སྣ་ཚོགས་འབྱུང་བ་ཀུན་གྱི་རྒྱུ།། སངས་རྒྱས་ཀུན་གྱི་སྤྲུལ་པའི
88b4 སྒྲ།། སངས་རྒྱས་བྱང་ཆུབ་བླ་ན་མེད།། རྣམ་པར་དག་པ་བདག་མེད་ཆོས།། ཡང་དག་ཡེ་ཤེས་ཐམས་ཅད་ལམ།། སྐྱེ་མེད་ཆོས་ཏེ་སྣ་ཚོགས་དོན།། འབྱུང་བ་རྣམས་པས་ཁྱོད་སྔར་བྱུང་།། དོན་གཅིག་གཉིས་མེད་ཆོས
88b5 ཀྱི་དོན།། དམ་པའི་དོན་ཏེ་འཇིག་པ་མེད།། ཁྱོད་ལས་བྱུང་བ་ཡི་གེ་མེད།། གསང་སྔགས་དོན་དུ་བསྐྱེད་རྣམས་ལ།། རྣམ་པ་ཀུན་ལྡན་རྣམ་པ་མེད།། ཡན་ལག་མེད་པའི་རྩིས་ལས་འདས།། སངས་རྒྱས་ཀུན་གྱིས
88b6 རྟོགས་བྱ་བ།། ཐམས་ཅད་སངས་རྒྱས་ཉིད་ཀྱིས་མཛད།། སངས་རྒྱས་བྱང་ཆུབ་བླ་ན་མེད།། རང་གི་ལོངས་སྤྱོད་རང་ལས་སྤྲུལ།། རང་ལས་སྤྲུལ་པའི་སྐུ་རྣམས་ལ།། རང་གིས་ལོངས་སྤྱོད་ཅི་ཡང་མཛད།། སྤྲུལ་པ
iiif viewer powered by OpenSeadragon
