| e-texts navigator |
| Wylie |
88a1 སྟོན་པ་མི་མངའ་བས་གཏི་མུག་པ་དང་། བདག་ཉིད་ལས་བྱུང་བའི་སྤྲུལ་པའི་སྐུ་རྣམ་པ་སྣ་ཚོགས་ལས་རོལ་པ་ཅིར་ཡང་མཛད་ཅིང་། སྐུ་གཅིག་ཏུ་སྟོན་པ་མི་མངའ་བས་གཏི་མུག་པའོ།། ང་རྒྱལ་ནི
88a2 བདག་ཉིད་ལས་བྱུང་བའི་ཆོས་ཐམས་ཅད་དང་། སྐྱེ་བ་ཐམས་ཅད་ལ་ང་དང་བདག་མེད་པར་ཐུགས་སུ་ཆུད་དེ་མཁྱེན་པས། དེའི་ཆོས་ཐམས་ཅད་ང་དང་བདག་མེད་པར་སྟོན་པར་མཛད་པའི་ང་རྒྱལ་དང་། བདག
88a3 ཉིད་ལས་བྱུང་བའི་ཆོས་བླ་ན་མེད་པའི་ཆེ་བ་ཐུགས་སུ་ཆུད་དེ་དུས་གསུམ་དུ་བདག་ཉིད་སྟོན་པར་མཛད་ཅིང་། བདག་ཉིད་ཀྱི་ཆེ་བ་སྟོན་པར་མཛད་པའི་ང་རྒྱལ་དང་། བདག་ཉིད་ལས་བྱུང་བའི་ཆོས་རྣམས་ལ
88a4 བདག་ཉིད་དུས་ཐམས་ཅད་དུ་ལོངས་སྤྱོད་པར་མཛད་པའི་དབང་གིས་རོལ་པའི་སྐུ་ཅིར་ཡང་སྟོན་པས་ང་རྒྱལ་བ་དང་། ཆོས་ཐམས་ཅད་དང་། སྲིད་པ་གསུམ་དང་། ཆེན་པོ་ལྔ་ལ་སོགས་པ་དང་། སྐྱེ་འགྲོ་ཐམས
88a5 ཅད་མ་ལུས་པ་ཐུགས་སུ་ཆུད་དེ། དེ་དག་ཐམས་ཅད་བདག་ཉིད་དུ་འདུས་ཤིང་བདག་ཉིད་དུ་གྱུར་པར་སྟོན་པར་མཛད་པའི་ཆེ་བའི་ང་རྒྱལ་ལོ།། ཕྲག་དོག་ནི་ཆོས་ཐམས་ཅད་ངོ་བོ་ཉིད་གཅིག་པ་ལས་ཐ་དད་པར
88a6 རྟོགས་པ་ལས་ཕྲག་དོག་པ་དང་། འདོད་ཆགས་ཞེ་སྡང་གཏི་མུག་རྣམས་ཡེ་ནས་བྱང་ཆུབ་ཀྱི་སྐུ་གསུང་ཐུགས་དབྱེར་མེད་པ་ལས་མཚན་ཉིད་སོ་སོར་འཛིན་པ་ལ་ཕྲག་དོག་པ་དང་། ཡང་དག་པའི་དོན་མ་ནོར་བ
iiif viewer powered by OpenSeadragon
