| e-texts navigator |
| Wylie |
87b1 གྱུར་པར་འདོད་ཅིང་འདོད་པ་དེ་ལ་ཆགས་པའོ།། ཞེ་སྡང་ནི་བདག་ཉིད་ལ་ཡེ་ནས་གནས་པའི་ཆོས་ཐམས་ཅད་འབྱུང་བའི་ངོ་བོ་ཉིད་དུ་གྱུར་པ། སྤོངས་ཀྱང་མི་སྤང་། བཀྲུས་ཀྱང་མི་འདག་ཆོས་ཀྱི་ཆོས་ཉིད་དུ་གྱུར
87b2 པ་འདོད་ཆགས་སྤང་བ་ལ་ཞེ་སྡང་བ། ཞེ་སྡང་སྤང་བ་ལ་ཞེ་སྡང་བ། གཏི་མུག་སྤང་བ་ལ་ཞེ་སྡང་བ། ང་རྒྱལ་སྤང་བ་ལ་ཞེ་སྡང་བ། ཕྲག་དོ་སྤང་བ་ལ་ཞེ་སྡང་བ། གཏི་མུག་ནི་བདག་ཉིད་ལས་བྱུང་བའི་ཆོས་ཅན་ལ།།
87b3 བལྟ་བས་སོ་སོར་དབྱེར་མེད་པར་ཐུགས་སུ་ཆུད་དེ། སོ་སོར་དབྱེ་བ་མི་མངའ་ལས་གཏི་མུག་དངས་པ་དང་། ཆོས་ཐམས་ཅད་བདེ་བར་གཤེགས་པའི་ཐུགས་རྗེའི་བདག་ཉིད་དུ་གྱུར་པས་གསང་བ་མཆོག་གི
87b4 དགེས་པ་ན་ཐམས་ཅད་གཅིག་ཏུ་བཞུགས་པས། ས་དང་སའི་རིམ་པར་བྱེད་པའི་དགོངས་པ་མི་མངའ་བས་གཏི་མུག་དང་། སྐུ་གསུང་ཐུགས་ཀྱི་ངོ་བོ་ཉིད་གཅིག་སྟེ། དབྱེར་མེད་དུ་ཐུགས་སུ་ཆུད་དེ། མཉམ་པ་ཉིད
87b5 ཀྱི་སྐུར་བཞུགས་ཤིང་མཉམ་པའི་དོན་ལ་དགོངས་པས་གཏི་མུག་པ་དང་། དེ་བཞིན་གཤེགས་པ་ཐམས་ཅད་དང་། ཆོས་ཐམས་ཅད་བདག་ཉིད་ལས་བྱུང་ཞིང་། གཞན་ལས་མ་བྱུང་མ་སྐྱེས་པའི་དོན་ཐུགས་སུ་ཆུད
87b6 པས་བདག་ཉིད་ཀྱི་སྐུ་ལས་མ་གཏོགས་པར་གཞན་དུ་གྱུར་པ་དང་། གཞན་དུ་སྐྱེ་བ་དང་། གཞན་དུ་འབྱུང་བ་དང་། གཞན་དུ་འགོག་པ་དང་། གཞན་ལས་སྐྱེས་པ་དང་། གཞན་ལས་བྱུང་བ་དང་། གཞན་དུ་གྱུར་པར
iiif viewer powered by OpenSeadragon
