| e-texts navigator |
| Wylie |
86b1 མཁའ་སྟེ་བྱང་ཆུབ་ཀྱི་སེམས་རྨད་དུ་བྱུང་བ་ཉིད་དོ།། ཀྱེ་སེམས་དཔའ་ཆེན་པོ། སྐུ་དང་གསུང་དང་དཔེ་བྱད་ལས་འདས་པ། སྐུ་ལྔ་ལྷུན་གྱིས་རྫོགས་པར་གསལ་བར་རང་བྱུང་བ་ལས་ནི་བྱང་ཆུབ་ཀྱི་སེམས་རྨད་དུ
86b2 བྱུང་བའོ།། ཀྱེ་སེམས་དཔའ་ཆེན་པོ། ཆེན་པོ་ལྔ་ཉིད་སྐུ་ལྔ་ལྷུན་གྱིས་རྫོགས་པའི་དཀྱིལ་འཁོར་ཉིད་དོ།། ཆེན་པོ་ལྔའི་དངས་མ་ནི་བྱང་ཆུབ་ཀྱི་སེམས་དྲི་མ་མེད་པ་རྨད་དུ་བྱུང་བ་ཉིད་དོ།། དངས་མ་དེ་གསལ་བའི
86b3 སྙིང་པོ་ཤིན་ཏུ་བརྟག་དཀའ་བའི་ཡེ་ཤེས་ཏེ་ཐུགས་ཉིད་དུ་གྱུར་པའོ།། ཀྱེ་སེམས་དཔའ་ཆེན་པོ། འབྱུང་བ་ཆེན་པོ་སོ་སོར་མ་བཅོས་མ་བྱས་བསམ་པ་མེད་པ་ལས་སྒྲ་སྐད་སྣ་ཚོགས་འབྱུང་བ་ནི་ང་ཉིད་ཡིན་ནོ།། ཀྱེ
86b4 སེམས་དཔའ་ཆེན་པོ། སྒྲ་འདི་དག་ནི་བདག་ཉིད་ལས་བྱུང་བས་གང་གི་ངོ་བོར་ཡང་མ་གྲུབ་པ་ནི་ཆོས་ཀྱི་སྐུ་སྟེ་བྱང་ཆུབ་ཀྱི་སེམས་རྨད་དུ་བྱུང་བའོ།། འབྱུང་བ་ཆེན་པོ་བཞི་ནི་སྐྱེ་བ་འབྱུང་བ་དང་སྐྱེ་བ་རྣམས་ཀྱི་རྒྱུ
86b5 ཉིད་དུ་གྱུར་པས་བྱང་ཆུབ་ཀྱི་སེམས་རྨད་དུ་བྱུང་བ་ཉིད་དོ།། འབྱུང་བ་ཉིད་དོ།། འབྱུང་བ་ཆེན་པོ་བཞི་ལས་བྱུང་ཞིང་སྐྱེས་པ་དང་། སྐྱེ་བ་རྣམ་བཞིའི་སེམས་ཅན་རྣམས་བདག་ཉིད་དུ་གྱུར་པས་སངས་རྒྱས་པ་མེད
86b6 པའི་སངས་རྒྱས་པ་ཡིན་པས་བྱང་ཆུབ་སེམས་རྨད་དུ་བྱུང་བ་ཉིད་དོ།། ཀྱེ་སེམས་དཔའ་ཆེན་པོ། དེ་ལས་བྱུང་བ་ནི་བདག་ཉིད་ལས་བྱུང་བའི་ཆོས་ཐམས་ཅད་ཉོན་མོངས་པའི་དྲི་མ་ཡེ་ནས་མེད་པའོ།། བྱང་ཆུབ་ཅེས
iiif viewer powered by OpenSeadragon
