| e-texts navigator |
| Wylie |
86a1 བྱང་ཆུབ་ཀྱི་སེམས་གསང་བ་ཆེན་པོའི་རྒྱུད་གསང་བའི་འཕྲུལ་ཆེན་པོ་མངོན་པར་བསྟན་པའི་ཆོས་རྨད་དུ་བྱུང་བའོ།། ཆོས་ཆེན་པོ་རྨད་དུ་བྱུང་བ་ལས། འཕྲུལ་ཆེན་པོའི་ལེའུ་སྟེ་ལྔ་པའོ།། །། བྱང
86a2 ཆུབ་ཀྱི་སེམས་གསང་བ་རྨད་དུ་བྱུང་བའི་འཕྲུལ་ཆེན་པོ་འདི་ནི་སྐུ་གསུང་ཐུགས་ཉིད་དུ་གྱུར་པ་ཡིན་ཏེ། སྔོན་གྱི་སངས་རྒྱས་རྣམས་ཀྱིས་བཤད་པ་ཡིན་ནོ།། ཀྱེ་སེམས་དཔའ་ཆེན་པོ། སྣང་ལ་མི་གནས་པ་རྣམས
86a3 ནི་ཐུགས་གསང་བ་ཆེན་པོ་རྨད་དུ་བྱུང་བའོ།། འདི་ཡང་དག་པ་སངས་རྒྱས་ཀྱི་ལམ་ནས་ནམ་མཁའ་ཆགས་པ་མེད་པར་ཀུན་ཏུ་ཁྱབ་ཅིང་རང་ལ་འདུས་པ་ནི་བྱང་ཆུབ་ཀྱི་སེམས་རྨད་དུ་བྱུང་བའོ།། ཀྱེ་སེམས་དཔའ
86a4 ཆེན་པོ། བཀོད་པ་མེད་པར་མངོན་པར་སྣང་བ་ནི། སྐུ་རྨད་དུ་བྱུང་བའི་དཀྱིལ་འཁོར་ཡིན་ནོ།། རང་རིག་པ་ལས་བྱུང་བའི་ཆོས་རྣམས་ལ་གང་དུ་ཡང་བསམ་དུ་མེད་དོ།། མེད་པ་ཉིད་ཀྱི་དོན་དུ་གྱུར་ནས་གནས་པ་ནི
86a5 བྱང་ཆུབ་ཀྱི་སེམས་རྨད་དུ་བྱུང་བའོ།། ཀྱེ་སེམས་དཔའ་ཆེན་པོ། མ་སྐྱེས་མ་སྤྲོས་པར་སྒྲ་སྐད་སྣ་ཚོགས་སོ་སོ་རང་རང་ལས་བྱུང་བ་ནི་གསུང་རྨད་དུ་བྱུང་བའི་དཀྱིལ་འཁོར་ཡིན་ནོ།། སྒྲ་སྐད་ལས་འདས་པའི་ཏིང
86a6 འཛིན་གྱི་སྐུ་གསུང་ཐུགས་ཉིད་དུ་གྱུར་པ་ནི་བྱང་ཆུབ་ཀྱི་སེམས་རྨད་དུ་བྱུང་བ་ཉིད་ཡིན་ནོ།། ཀྱེ་སེམས་དཔའ་ཆེན་པོ། རང་རིག་པའི་སེམས་ལས་བྱུང་བའི་ཆོས་སྐུ་མི་མངའ་བར་ཀུན་ལ་ཁྱབ་པར་གནས་པ་ནི་ནམ
iiif viewer powered by OpenSeadragon
