| e-texts navigator |
| Wylie |
85b1 རྒྱས་པ་ཡིན་ནོ།། ང་རོལ་པ་བྱང་ཆུབ་ཀྱི་སེམས་བདེ་བ་ཆེན་པོ་ཉིད་ཡིན་ནོ།། སེམས་ཅན་ཐམས་ཅད་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཡེ་ནས་སངས་རྒྱས་པ་ཡིན་པ་ནི་ངའི་བྱང
85b2 ཆུབ་ཀྱི་སེམས་སོ།། མ་བྱུང་མ་གྱུར་པ་གཅིག་ཀྱང་མེད་དོ།། བྱང་ཆུབ་ཀྱི་སེམས་ལས་གྱུར་པའི་མཐུས་སངས་རྒྱས་སོ།། བྱང་ཆུབ་ཀྱི་སེམས་ཡེ་ནས་སངས་རྒྱས་སོ།། བྱང་ཆུབ་སེམས་ནི་ཅིར་ཡང་སྣང་། ཅིར་ཡང
85b3 འགྱུར་དུ་བཏུབ་པ་ཡིན་ནོ།། ཆོ་འཕྲུལ་ཆེན་པོ་ཅིར་ཡང་སྟོན་པར་མཛད་པ་ཡིན་ནོ།། བཅུད་ཀྱི་འཇིག་རྟེན་རྣམ་པར་སྣང་མཛད་ལས་བྱུང་བ་འདི་ནི། འབྱུང་བ་སངས་རྒྱས་དང་སེམས་ཅན་མང་པོ་འབྱུང་བར་འགྱུར
85b4 བཔ་ཉིད། ངའི་སྐུ་གསུང་ཐུགས་ལས་བྱུང་བའི་མཐུ་དང་རྫུ་འཕྲུལ་ལོ།། གསང་བ་ཆེན་པོ་བྱང་ཆུབ་ཀྱི་སེམས་ཡི་གེ་རྨད་དུ་བྱུང་བའོ།། འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་ནི་སངས་རྒྱས་ལས
85b5 བྱུང་བས་གསང་བའི་མན་ངག་དེ་ཁོ་ན་ཉིད་དོ།། བྱང་ཆུབ་ཀྱི་སེམས་འཕྲུལ་ཆེན་པོ་བསྟན་པའི་དོན་ནི་རྣམ་པ་ལྔ་སྟེ། བྱང་ཆུབ་ཀྱི་སེམས་འཕྲུལ་ཆེན་པོ་རྨད་དུ་བྱུང་བ་དང་། བྱང་ཆུབ་ཀྱི་སེམས་རྫུ་འཕྲུལ་ཆེན་པོ་རྨད
85b6 དུ་བྱུང་བ་དང་། བྱང་ཆུབ་ཀྱི་སེམས་རོལ་པ་ཆེན་པོ་ཡོངས་སུ་བསྟན་པའི་ཆོ་འཕྲུལ་ཆེན་པོ་རྨད་དུ་བྱུང་བ་དང་། བྱང་ཆུབ་སེམས་གསང་བ་རྨད་དུ་བྱུང་བའི་ཆོས་རྗེས་སུ་བསྟན་པའི་འཕྲུལ་ཆེན་པོ་རྨད་དུ་བྱུང་བ་དང་།
iiif viewer powered by OpenSeadragon
