| e-texts navigator |
| Wylie |
85a1 མཁའ་ལ་ཐོགས་པ་མེད་པར་འགྲོ་བ་དང་། སྤྲུལ་པ་སྣ་ཚོགས་ཅིར་ཡང་སྣང་བ་དང་། སྒྲ་སྐད་སྣ་ཚོགས་འབྱུང་བ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་ན
85a2 སྲིད་པའི་ཆོས་དང་། མི་སྲིད་པའི་ཆོས་ཐམས་ཅད་ངའི་ལུས་ངག་ཡིད་གསུམ་གྱི་མཐུ་ལས་གྱུར་པ་ཡིན་ནོ།། དེའི་ཕྱིར་སོ་སོར་ཀུན་ཏུ་རྟོགས་པའི་ཡེ་ཤེས་ཀྱིས། སེམས་ཅན་ཇི་སྲིད་འཁོར་བའི་ཆོས་ཐམས་ཅད་དང་།
85a3 མངོན་པར་རྫོགས་པར་སངས་རྒྱས་པ་དང་། འདས་པ་དང་མ་འོངས་པ་དང་། ད་ལྟར་བཞུགས་པ་དང་། སྲིད་པ་གསུམ་དང་ཁམས་གསུམ་དང་། མཆོག་གསུམ་དང་། ཡུམ་གྱི་ལྷུམས་ན་བཞུགས་པ་དང་། འབྱུང་བ
85a4 དང་། སྐྱེས་པ་དང་། བུད་མེད་དང་། མ་ནིང་དང་། བྱོལ་སོང་དང་། ཡི་དྭགས་དང་། དམྱལ་བ་དང་། ལྷ་དང་། མི་དང་། རྒན་པ་དང་། གཞོན་པ་ལ་སོགས་པ་ཐམས་ཅད་པ་ཉིད་ཡིན་པས། ང་ཉིད་ཀྱི་ཐུགས
85a5 ལས་སྦྱར་བ་ཡང་མ་ཡིན་ནོ།། ཡིད་རང་བཞིན་གྱི་ནོར་བུ་རིན་པོ་ཆེ་དང་། དཔག་བསམ་གྱི་ཤིང་། ལྷའི་ལོངས་སྤྱོད་ཐམས་ཅད་དང་། རྒྱ་མཚོ་དང་། རི་རབ་དང་། གླིང་ལ་སོགས་པ་འདི་ངའི་བྱང་ཆུབ་སེམས་ཡིན
85a6 ནོ། ང་གང་ན་འདུག་པ་ཉིད་ཡོངས་སུ་རྫོགས་པའི་སངས་རྒྱས་ཡིན་ནོ།། ང་ཅིར་ཡང་འགྱུར་དུ་བཏུབ་པའི་དུས་ངན་ན་ཡང་སངས་རྒྱས་སོ།། ང་སྐྱེ་བ་ཉིད་གང་དུ་སྐྱེས་པར་གྱུར་པ་ན་མངོན་པར་རྫོགས་པར་སངས
iiif viewer powered by OpenSeadragon
