| e-texts navigator |
| Wylie |
84a1 རྒྱས་པས། འདུས་བྱས་ཀྱི་ཆོས་ཡེ་ནས་མེད་དོ།། དེའི་ཕྱིར་ཆོས་ཐམས་ཅད་རྣམ་པར་དག་པ་ཉིད་ཡིན་ནོ།། ང་ཉིད་ཆོས་ཀྱི་སྐུའི་རྣལ་འབྱོར་ཡིན་པས། ངའི་ཆོས་ཐམས་ཅད་རྣམ་པར་མི་རྟོག
84a2 པའོ།། སངས་རྒྱས་ཀུན་པས་སྔར་སངས་རྒྱས་པའོ།། ནམ་མཁའ་མེད་པའི་སྔོན་རོལ་ན།། ནམ་མཁའི་མཚན་ཉིད་ཡེ་ནས་མེད།། གང་ལ་ཆགས་མེད་སྔོན་རོལ་ན།། ཆགས་པའི་འདོད་ཆགས་ཡོངས་ཀྱིས
84a3 མེད།། སྲིད་པ་མེད་པའི་སྔོན་རོལ་ན།། སྲིད་པའི་ཆོས་ཉིད་ཡེ་ནས་མེད།། འབྱུང་བ་མེད་པའི་སྔོན་རོལ་ན།། ཆེན་པོ་ལྔ་ཉིད་ཡེ་ནས་མེད།། སངས་རྒྱས་མེད་པའི་སྔོན་རོལ་ན།། སེམས་ཅན་མིང་ཉིད་ཡེ་ནས
84a4 མེད།། སྔོན་དུ་འཁོར་བའི་ཆོས་ཡང་མེད།། མྱ་ངན་འདས་པའི་སྔོན་རོལ་ན།། འཁོར་བའི་ཆོས་ནི་ཡེ་ནས་མེད།། དེ་ཕྱིར་འབྱུང་ལས་ང་སྔར་བྱུང་།། ཐམས་ཅད་ང་ཡིས་བྱས་པ་ཡིན།། ཐམས་ཅད་ང་ལས་སྐྱེས་པ
84a5 ཡིན།། ཐམས་ཅད་པ་ལས་བྱུང་བ་ཡིན།། ཞེས་བཀའ་སྩལ་ཏོ།། ཆོས་ཆེན་པོ་རྨད་དུ་བྱུང་བ་ལས། ཞལ་གྱིས་བཞེས་པ་གསང་བའི་ལེའུ་སྟེ་བཞི་པའོ།། །། གཞི་རྩ་མེད་པའི་སེམས་ཉིད་ནི།། བཀྲུས་པས་མི
84a6 འདག་ནམ་མཁའ་བཞིན།། སྐྱེ་དང་བྲལ་བའི་བྱང་ཆུབ་ལ།། བྱང་ཆུབ་རྒྱུ་འབྲས་ཡོངས་ཀྱིས་མེད།། རྨད་བྱུང་བྱང་ཆུབ་སེམས་འདི་ནི།། རང་གི་རིག་པ་ཆེན་པོས་མཁྱེན་ནས། རོལ་པའི་ཐབས་ཆེན་རང་ལ་རྫོགས
iiif viewer powered by OpenSeadragon
