| e-texts navigator |
| Wylie |
83b1 དཀྱིལ་འཁོར་འདིར།། བྱང་ཆུབ་སེམས་ཡིན་བདག་ཉིད་རིག། ཐལ་མོ་སྦྱར་ནས་འདི་སྐད་གསོལ།། དུས་གསུམ་སངས་རྒྱས་ཐམས་ཅད་ཀྱི།། ཐུགས་ཀྱི་ཐུགས་ཏེ་ཐུགས་ལ་རོལ།། དུས་གསུམ་སངས་རྒྱས་ཐམས
83b2 ཅད་ཀྱི།། སྐུ་ཡི་སྐུ་སྟེ་སྐུ་ལ་རོལ།། དུས་གསུམ་སངས་རྒྱས་ཐམས་ཅད་ཀྱི།། གསུང་གི་གསུང་སྟེ་གསུང་ལ་རོལ།། ཞེས་གསོལ་པ་དང་། སེམས་དཔའ་ཆེན་པོ། བསྐལ་པ་འབུམ་ཕྲག་སྔོན་རོལ་དུ།། ང་ཉིད་གཅིག་པུ
83b3 སྔོན་དུ་བྱུང་།། འབྱུང་བ་བས་ནི་ང་སྔར་བྱུང་།། སངས་རྒྱས་ཀུན་གྱི་སྐུ་གསུང་ཐུགས།། ང་ལས་བྱུང་བ་དེ་ཡི་ཕྱིར།། སེམས་དཔའ་ཆེན་པོ་ཐུགས་ཉིད་ནི།། ང་ཡི་བྱིན་རླབས་ཆེན་པོ་བས།། དུས་གསུམ་སངས
83b4 རྒྱས་ཐམས་ཅད་དང་།། རྣལ་འབྱོར་ཆེན་པོ་ཀུན་འདུས་ནས།། འོད་ཟེར་མངོན་སུམ་ཉི་བཞིན་ཤར།། སེམས་དཔའ་ཆེན་པོ་སྐལ་བཟང་ཡིན།། རྣལ་འབྱོར་གང་ཞིག་འདི་འཆད་པ།། སེམས་དཔའ་ཉིད་ཀྱི་སྐུ
83b5 གསུང་ཐུགས།། དེ་ཉིད་ཡིན་པར་ཤེས་པར་གྱིས།། དོན་འདི་རིག་པའི་རྣལ་འབྱོར་པ།། སངས་རྒྱས་ས་ལ་མི་གནས་ཏེ། ཐམས་ཅད་པ་ཉིད་ང་ཡི་ཐུགས།། སེམས་ཅན་སངས་རྒྱས་པ་ལས་སྐྱེས།། ཞེས་གསུངས
83b6 སོ།། ཆོས་ཆེན་པོ་རྨད་དུ་བྱུང་བ་ལས། ཆེ་བ་བསྟན་པའི་ལེའུ་སྟེ་གསུམ་པའོ།། །། གསང་བ་ཞལ་གྱིས་བཞེས་པ། སེམས་དཔའ་ཆེན་པོ། ང་བྱེད་པ་པོ་ང་ཉིད། ང་རང་བཞིན་གྱིས་རྣམ་པར་དག་ནས་སངས
iiif viewer powered by OpenSeadragon
