| e-texts navigator |
| Wylie |
83a1 མེད།། ཆོས་ཉིད་མཚན་ཉིད་རྣམ་པར་དག། བདག་མེད་ཆོས་ལས་ཀུན་ཏུ་འབྱུང་།། མ་སྐྱེས་པ་ཡི་ཆོས་རྣམས་ལ།། ངོ་བོ་མེད་ཅིང་བསྒོམ་པའང་མེད།། ནམ་མཁའི་ཚུལ་དུ་རང་བྱུང་བས།། དངོས་གྲུབ
83a2 ཀུན་ཏུ་རབ་ཏུ་གྲགས།། ཆོས་རྣམས་རང་བཞིན་འོད་གསལ་བ།། གདོད་ནས་དག་པ་ནམ་མཁའ་བཞིན།། བྱང་ཆུབ་མེད་ཅིང་སེམས་ཅན་མེད།། བདག་མེད་པ་ཡི་ཆོས་ལས་བྱུང་།། སངས་རྒྱས་བྱང་ཆུབ་རྫོགས་བྱེད
83a3 པ།། རྣམ་པར་མི་རྟོག་དམིགས་སུ་མེད།། ཆོས་ཆེན་པོ་རྨད་དུ་བྱུང་བ་ལས། སྤྲོས་པ་མེད་པའི་ལེའུ་སྟེ་གཉིས་པའོ།། །། ཆེ་བ་བསྟན་པའི་ཕྱིར། སེམས་དཔའ་ཆེན་པོ། ཐུགས་ཀྱི་དཀྱིལ་འཁོར་རང་བྱུང་ལ།། ཡེ
83a4 ཤེས་རྫོགས་ཞུགས་མེ་ལོང་བཞིན།། ང་ནི་དུས་གསུམ་བཞུགས་པ་ཡི།། སངས་རྒྱས་རྣམས་ལ་ཡེ་ཤེས་ཏེ།། བྱང་ཆུབ་སེམས་ཀྱི་དོན་རྟོགས་པས།། སངས་རྒྱས་ཀུན་གྱི་ཉིང་ཤ་ཅན།། ང་ནི་སངས་རྒྱས་ཀུན་གྱི
83a5 དུར།། དུར་ཁྲོད་ཆེན་པོ་ང་བདག་ཡིན།། སེམས་ཅན་ཆེན་པོ་ཐམས་ཅད་དང་།། སེམས་ཅན་ཐམས་ཅད་ང་ལས་བྱུང་།། སེམས་ཅན་དུར་ཉིད་ང་ཡིན་ནོ།། སྐལ་ལྡན་སེམས་དཔས་རིག་པར་གྱིས།། སངས
83a6 རྒྱས་ཐམས་ཅད་ང་ཡི་ཞིང་།། སེམས་ཅན་ཐམས་ཅད་སྐུ་གསུང་གཏེར།། ཐམས་ཅད་ང་ཡི་ལོངས་སྤྱོད་རྒྱུ། ཞེས་གསུངས་པའི་ཚིག་ཐོས་པ་དང་། སེམས་དཔས་སྐལ་ལྡན་ཞལ་མཐོང་བས།། རྨད་བྱུང་གསང་བའི
iiif viewer powered by OpenSeadragon
