| e-texts navigator |
| Wylie |
82b1 བྱུང་བ་ཉིད་ཡིན་ནོ།། རྫུ་འཕྲུལ་ཆེན་པོ་རྨད་དུ་བྱུང་བ་ཉིད་ཡིན་ནོ།། འཕྲུལ་ཆེན་པོ་རྨད་དུ་བྱུང་བ་ཉིད་ཡིན་ནོ།། ངའི་རོལ་པ་རྨད་དུ་བྱུང་བ་ཉིད་ཡིན་ནོ།། ངས་མཛད་པ་རྨད་དུ་བྱུང་བ་ཉིད་ཡིན་ནོ།། ངའི་རྨད་དུ་བྱུང
82b2 བའི་དཀྱིལ་འཁོར་ཆེན་པོ་རྨད་དུ་བྱུང་བ་ཉིད་ཡིན་ནོ།། རང་རིག་པ་ལས་བྱུང་བའི་ཆོ་འཕྲུལ་ཆེན་པོ་རྨད་དུ་བྱུང་བ་ཉིད་ཡིན་ནོ།། ངའི་གསང་བ་རྨད་དུ་བྱུང་བ་ཉིད་ཡིན་ནོ།། བདེ་བར་གཤེགས་པ་རྣམས་དང་། རྡོ་རྗེ
82b3 སེམས་དཔའ་ཉིད་གསང་བ་དང་། གསང་བ་ཆེན་པོ་དང་། གསང་བ་དེ་ཁོ་ན་ཉིད་དང་། ལྟ་བ་གསང་བ་རྨད་དུ་བྱུང་བ་ཉིད་ཡིན་ནོ།། སྐུ་རྨད་དུ་བྱུང་བ་སྐུའི་དཀྱིལ་འཁོར་གསང་བ་རྨད་དུ་བྱུང་བ་ཉིད་ཡིན
82b4 ནོ།། གསུང་རྨད་དུ་བྱུང་བ་གསུང་གི་དཀྱིལ་འཁོར་གསང་བ་རྨད་དུ་བྱུང་བ་ཉིད་ཡིན་ནོ།། ཐུགས་རྨད་དུ་བྱུང་བ་ཐུགས་ཀྱི་དཀྱིལ་འཁོར་གསང་བ་རྨད་དུ་བྱུང་བ་ཉིད་ཡིན་ནོ།། ཆོས་ཆེན་པོ་རྨད་དུ་བྱུང་བ་ལས། བྱང
82b5 ཆུབ་སེམས་རྨད་དུ་བྱུང་བ་བསྟན་པའི་ལེའུ་སྟེ་དང་པོའོ།། །། ཆོས་ཉིད་བསྟན་པའི་ཕྱིར་སེམས་དཔའ་ཆེན་པོ། བྱང་ཆུབ་ཏུ་འདོད་དེ་ལ་བྱང་ཆུབ་མེད།། ས་དང་རྣམ་ཐར་བྱང་ཆུབ་མཆོག་ལ་རིང་།། སྒྱུ་འདྲའི
82b6 ཆོས་ཉིད་གང་གིས་ཤེས་གྱུར་པ།། དེ་ཉིད་བྱང་ཆུབ་སེམས་བདག་ཡིན་པར་ངེས།། བྱང་ཆུབ་སྙིང་པོར་བདག་འདུས་པས།། ཐོབ་པ་མེད་ཅིང་སྤང་བ་མེད།། སངས་རྒྱས་རྣམས་ཀྱི་བྱང་ཆུབ་ནི།། ཐ་སྙད་ཡིན་ཏེ་དོན་དུ
iiif viewer powered by OpenSeadragon
