| e-texts navigator |
| Wylie |
82a1 སེམས་རྟོགས་ནས།། རྡོ་རྗེ་སེམས་དཔའ་བདག་ཉིད་ཀྱང་།། རྡོ་རྗེ་བདག་ལ་ཡང་སངས་རྒྱས།། རྨད་བྱུང་བྱང་ཆུབ་སེམས་འདི་ནི།། ཀུན་གྱིས་རིག་པ་མ་ཡིན་ཏེ།། ལྷ་རྣམས་ཀུན་གྱིས་དེ་མ་རིག། བྱང
82a2 ཆུབ་སེམས་དཔའ་རྣམས་ཀྱིས་ཀྱང་།། འདི་ནི་རིག་པར་དཀའ་བའོ།། བདེ་གཤེགས་རྣམས་ཀྱིས་སྔོན་མ་རིག། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་མཁྱེན་པའི་ཡེ་ཤེས་ནི
82a3 བསྒོམ་པའི་མཆོག་ཡིན་ནོ།། སེམས་དཔའ་ཆེན་པོ། ཐམས་ཅད་མཁྱེན་པ་བསྒོམ་པའི་མཆོག། ངོ་བོ་ཉིད་ནི་དམིགས་སུ་མེད།། ང་ཡི་ལུས་སུ་སྦྱོར་བ་ལ།། བྱང་ཆུབ་མེད་ཅིང་བསྒོམ་པ་མེད།། ལུས་དང་ངག་སེམས
82a4 མཚན་ཉིད་ནི།། ཡེ་ཤེས་ལྔ་ཡི་བྱང་ཆུབ་སེམས།། སེམས་ཅན་ཀུན་གྱི་སེམས་ཆེན་པོ།། རང་བཞིན་དག་པ་དྲི་མ་མེད།། ཐམས་ཅད་མ་སྐྱེས་ཟག་པ་མེད།། བྱང་ཆུབ་མེད་ཅིང་མངོན་རྟོགས་མེད།། ཁམས་ཀྱང་མེད
82a5 ཅིང་འབྱུང་བའང་མེད།། མཚན་མེད་མི་འགྱུར་ནམ་མཁའ་བཞིན།། གཉིས་མེད་གཉིས་སུ་མེད་མིན་ཞེས།། བྱང་ཆུབ་སེམས་འདི་རྒྱས་པའི་སྤྱན།། ཞེས་བཀའ་སྩལ་ཏོ།། ཀྱེ་སེམས་དཔའ་ཆེན་པོ། བདེ་བར་གཤེགས
82a6 པ་རྣམས་ཀྱི་སྐུ་གསུང་ཐུགས་དང་། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་མཐའ་ཡས་མུ་མེད་པ་འདྲ་སྟེ། ངའི་བྱང་ཆུབ་སེམས་རྨད་དུ་བྱུང་བ་ཉིད་ཡིན་ནོ།། རིག་པ་རང་ལས་བྱུང་བའི་ཆོས་ཆེན་པོ་རྨད་དུ
iiif viewer powered by OpenSeadragon
