| e-texts navigator |
| Wylie |
81a1 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེའི་ཚེ་དུས་གསུམ་གྱི་བདེ་བར་གཤེགས་པ་རྣམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད
81a2 དང་། བདེ་བར་གཤེགས་པ་ཐམས་ཅད་དང་། བདེ་བར་གཤེགས་པ་ཐམས་ཅད་དོན་གཅིག་སྟེ། བདག་ཉིད་བྱང་ཆུབ་ཀྱི་སེམས་རྨད་དུ་བྱུང་བ་ལས་བྱུང་ཞིང་། དེ་དག་ཐམས་ཅད་དེ་ལས་སྐྱེས་པ་དང་། དེ་ལས་བྱུང
81a3 བའི་དཀྱིལ་འཁོར་རྨད་དུ་བྱུང་བའི་དཀྱིལ་འཁོར་ཡིན་པར་ཐུགས་སུ་ཆུད་པའི་དོན་རྡོ་རྗེ་སེམས་དཔའ་ལ་རིག་པར་བྱ་བའི་ཕྱིར། རྡོ་རྗེ་སེམས་དཔའ་ལ་གཟིགས་ཏེ། ཡིད་ཀྱི་དཀྱིལ་འཁོར་སྒོ་ཕྱེ་ནས། རང་གི་རིག
81a4 པའི་དོན་གསལ་བར་ཕྱུང་སྟེ། ཐམས་ཅད་ཀྱི་དོན་ཇི་ལྟ་བུ་ཡིན་པ་སོ་སོར་གསལ་བར་སྣང་བར་བྱས་ནས། རྡོ་རྗེ་སེམས་དཔའ་ཉིད་དང་། བདེ་བར་གཤེགས་པ་ཐམས་ཅད་དང་། སྟོང་གསུམ་གྱི་སྟོང་ཆེན་པོའི
81a5 འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་དང་། བྱང་ཆུབ་སེམས་རྨད་དུ་བྱུང་བ་ཉིད་ཡིན་པ་དང་། བྱང་ཆུབ་རྨད་དུ་བྱུང་བ་ལས་དུས་གསུམ་གྱི་སངས་རྒྱས་ཐམས་ཅད་འབྱུང་བས་རྨད་དུ་བྱུང་བ་ཉིད་ཡིན་པ
81a6 དང་། ཡང་བྱང་ཆུབ་ཀྱི་སེམས་རྨད་དུ་བྱུང་བ་ལས་བསྐྱེད་པའི་དཀྱིལ་འཁོར་སྐུ་རྨད་དུ་བྱུང་བ་སྐུའི་དཀྱིལ་འཁོར་དང་། གསུང་རྨད་དུ་བྱུང་བ་གསུང་གི་དཀྱིལ་འཁོར་དང་། ཐུགས་རྨད་དུ་བྱུང་བ་ཐུགས་ཀྱི་དཀྱིལ
iiif viewer powered by OpenSeadragon
