| e-texts navigator |
| Wylie |
80b1 བླ་ན་མེད་པའི་ཐེག་པ་ཤན་ཕྱེ་བའི་ཕྱིར། ལྗགས་ཀྱི་པདྨོ་ལས་སངས་རྒྱས་བྱེ་བ་རྣམ་པར་གཟིགས་བྱ་བ་ཕྱུང་ནས། བྱང་ཆུབ་ཀྱི་སེམས་རྨ་བྱ་མཇིང་བསྣོལ་གྱི་རྒྱུད་མཛད་དོ།། སངས་རྒྱས་ལ་སྤྲུལ་པའི་སྐུ་ཡེ་ཤེས་ཀྱི
80b2 ལུས་སུ་གནས་པའི་ཕྱིར་མཛོད་སྤུའི་བུ་ག་ནས། འོད་ཟེར་ལྔ་འཕྲོས་ནས། སངས་རྒྱས་འོད་ལྡན་མགོན་པོ་སྤྱན་རས་གཟིགས་ཞེས་བྱ་བ་ཕྱུང་ནས། ལྷ་མོ་འོད་ཟེར་ཅན་གྱི་རྒྱུད་མཛད་དོ།། ལས་དགེ་སྡིག་མཐོ་དམན
80b3 མེད་པར་ལ་བཟླ་བའི་ཕྱིར་ཤངས་ཀྱི་རླུང་སྒོམ་ནས་མཐུ་སྟོབས་ཀྱིས་བདག་པོ་ཕྱག་ན་རྡོ་རྗེ་ཕྱུང་སྟེ། བྱ་རྩོལ་མེད་པ་ཡེ་ཤེས་བླ་མའི་རྒྱུད་ཕྱུང་སྟེ། ཆོས་ལས་འདས་པའི་སྐུ་ཡོངས་སུ་རྫོགས་པར་བསྟན་ཏོ།། ཞེས
80b4 བྱང་ཆུབ་ཀྱི་སེམས་རྨ་བྱ་མཇིང་བསྣོལ་གྱི་རྒྱུད་ལས། རྫོགས་པ་ཆེན་པོ་འབྲས་བུ་བླ་ན་མེད་པའི་ཐེག་པ་ལས་ལེའུ་སྟེ་དྲུག་པའོ།། །། བྱང་ཆུབ་ཀྱི་སེམས་རྨ་བྱ་མཇིང་བསྣོལ་གྱི་རྒྱུད་ཅེས། འཇམ་དཔལ་དྲི་མ
80b5 མེད་པའི་སྙིང་པོས་བྱང་ཆུབ་སེམས་དཔའ་རོ་ལངས་བདེ་བ་ལ་གདམས་པའོ།། རྫོགས་སོ།། བར་འདིར་རྨ་བྱ་མཇིང་བསྣོལ་གྱི་མཐའི་མུན་སེལ་ཆེན་པོ་ལེའུ་ལྔ་པ་འཛུད། འདི་ཆོས་ཆེན་པོ་རྨད་དུ་བྱུང་བ་ཡིན།། ། བཅོམ་ལྡན་འདས་དཔལ་གྱི
80b6 དཔལ་ཀུན་ཏུ་བཟང་པོ་བདེ་བ་ཆེན་པོ་ལ་ཕྱག་འཚལ་ལོ།། བཅོམ་ལྡན་འདས་འོག་མིན་གྱི་གནས་སྙིང་པོ་བྱང་ཆུབ་ན་བཞུགས་པའི་སྐུས། རྡོ་རྗེ་སེམས་དཔའ་ལ་གཟིགས་ནས། བྱང་ཆུབ་ཀྱི་སེམས་རྨད་དུ་བྱུང་བ
iiif viewer powered by OpenSeadragon
