| e-texts navigator |
| Wylie |
80a1 གཅོད་པའི་མཚོན།། ནམ་མཁའ་ཉི་མའི་ཚུལ་བཞིན་དུ།། སྣང་མེད་བདེ་བའི་དབྱིངས་ཉིད་ནས།། འགག་མེད་རང་བྱུང་ཡེ་ཤེས་སྐུ།། ནམ་མཁའ་སྤྲིན་གྱི་ཚུལ་བཞིན་དུ།། རང་བྱུང་སྤྲོས་མེད་མཁའ་ལ
80a2 དེངས།། རྒྱུ་འབྲས་དག་པའི་དབྱིངས་ཉིད་ལས་འབྲས་བུ་ཡེ་ཤེས་ཀྱི་དཀྱིལ་འཁོར་རང་སྣང་བའི་དུས་སུ་སྣོད་བཅུད་ཐམས་ཅད་ཆོས་ཉིད་ཀྱི་ཀློང་དུ་གད་ལ། མི་འབྱེད་པའི་བལྟ་བ་ནམ་མཁའ་དང་མཉམ་པར་རེ
80a3 དོགས་ཀྱི་འཕྲང་བཅད། ཟག་པ་མེད་པའི་ཡེ་ཤེས་རང་སྣང་བས་བདག་རང་གཞན་གྱི་དོན་མཐར་ཕྱིན། ཤེས་རབ་ཀྱི་སྟོབས་མ་འགགས་པས་བདུད་དང་སྲིན་པོའི་མཐུ་བྱིན་ཟིལ་གྱིས་གནོན། ཀྱེ་ཀྱེ་རྡོ་རྗེ་འཛིན་པ
80a4 ཉོན་ཅིག། ཐབས་ལ་མཁས་པའི་བྱང་ཆུབ་སེམས་དཔའ་ནི་སེམས་ཅན་གྱི་ཕ་མ་ཡིན་གྱིས། དེ་ཡང་དྲི་མ་མེད་པའི་དོན་གྱིས་གནས་པར་བྱའོ།། རྟོགས་པའི་དོན་ལ་རྩེ་གཅིག་ཏུ་མ་ཡེངས་པར་གནས་ན། བྱང་ཆུབ
80a5 སེམས་དཔའི་བསམ་གཏན་ཞེས་བྱ་སྟེ། རྡོ་རྗེའི་གདན་ལ་རྡོ་རྗེ་བཞག་པའོ།། འཇམ་དཔལ་དྲི་མེད་སྙིང་པོ་ངས། སེམས་ཅན་རྣམས་ཀྱི་དོན་གྱི་ཕྱིར། གསང་བའི་རྒྱུད་གསུམ་ཡང་དག་ཐུགས་ཀྱི་རྒྱུད།། ཐུགས་ཀྱི
80a6 ཀློང་ནས་བྱུང་ནས་གདམས་པར་བཞག། སངས་རྒྱས་ལག་ཏུ་གཏད་པའི་ཕྱིར།། སངས་རྒྱས་གཙུག་ཕུད་རྣམ་པར་རྒྱལ་བ་ཞེས་བྱ་བའི་ཐུགས་ལས་ནོར་བུ་དྲི་མ་མེད་པའི་རྒྱུད་མཛད་དོ།། འབྲས་བུ་བླ་ན་ཡོད་པ་དང་།།
iiif viewer powered by OpenSeadragon
