| e-texts navigator |
| Wylie |
7b1 ལ།། མི་རྟོག་རང་བཞིན་རིག་པར་གསལ།། ཡེ་ཤེས་ཀུན་བཟང་འཕྲོ་འདུ་མེད།། གང་ལ་མི་འཛིན་རང་བྱུང་སེམས།། མཚན་མའི་སྤྱོད་པས་འགྱུར་བ་ནི།། བརྡ་སྒོ་འཇུག་པའི་གདམས་ངག་སྦྱིན།། ཏིང་འཛིན་འཁོར
7b2 ལོས་སྒྲོ་སྐུར་གཅོད།། ཡེ་ཤེས་འཁོར་ལོ་མཐའ་དབུས་མེད།། རང་རིག་འཁོར་ལོ་གཟུང་འཛིན་བྲལ།། ཤེས་རིག་ཡེ་ཤེས་ཉིད་དུ་འཆར།། འཛིན་པའི་རིམ་འཇུག་ཐེག་ཁྱད་ཀྱིས།། ངོས་བཟུང་རྟོག་དང་དམིགས
7b3 འབྱེད་པ།། འདོད་འཛིན་མ་ལུས་དེ་དག་སྟོང་།། རང་རིག་སྟོང་ཉིད་རྣམ་མཉམ་པས།། བདེ་ཆེན་ལྷུན་གྲུབ་རང་རིག་གསལ།། ཡེ་ཤེས་རིག་པའི་འཁོར་ལོ་ལ།། གང་ཡང་ཡིན་ནོ་རྣམ་ཀུན་བཅས།། ཡེ་ཤེས་རང
7b4 གསལ་མ་བསྒྲིབས་གསལ།། རྣམ་དག་ཡེ་ཤེས་རང་སྣང་ལ།། ཞེན་པའི་རྟོག་པས་བཟློག་ཏུ་མེད།། ལྷུན་གྲུབ་འབྲས་བུ་བཙལ་མི་དགོས།། ཀུན་བཟང་འབར་བའི་ཡེ་ཤེས་ལ།། གཟུང་འཛིན་གཉེན་པོ་བསྟན་མི
7b5 དགོས།། ཐོགས་མེད་རང་བྱུང་ཕྱོགས་དང་བྲལ།། བྱང་ཆུབ་རང་སེམས་ཁོ་ན་བས།། ལམ་གྱིས་མ་བཅོས་ཡེ་སངས་རྒྱས།། གང་ཡང་རྣམ་པ་ཅིར་རྟོག་ཀྱང་།། རག་རིག་བདེ་ཆེན་མངོན་སུམ་གསལ།། འདོད་པའི
7b6 སྐབས་བྲལ་གང་མཐོང་ཚོར།། རང་བཞག་ཡེ་ཤེས་རྫོགས་པ་མཐོང་།། བཙལ་མེད་རང་བྱུང་རྡོ་རྗེའི་བདག། སྐྱེ་མེད་རྡོ་རྗེ་མི་འགྱུར་འཆང་།། ལྷུན་གྲུབ་རིན་ཆེན་འབར་བའི་འོད།། དྲི་མེད་པདྨ་རང་བྱུང
iiif viewer powered by OpenSeadragon
