| e-texts navigator |
| Wylie |
79a1 ཚུལ་གྱིས་སྐྱབས་སུ་མཆི།། ཞེས་བརྗོད་ནས་བསྟོད་པའོ།། བྱང་ཆུབ་ཀྱི་སེམས་རྨ་བྱ་མཇིང་བསྣོལ་གྱི་རྒྱུད་ལས། སྤྱོད་པ་བརྟག་པའི་ལེའུ་སྟེ་ལྔ་པའོ།། །། དེ་ནས་བྱང་ཆུབ་སེམས་དཔའ་སེམས
79a2 དཔའ་ཆེན་པོས་དྲི་བ་དྲིས་པ། འཇམ་དཔལ་གཞོན་ནུ་ཐུགས་རྗེ་ཅན།། ཞུ་བ་ཞུས་པ་ལེགས་གསུངས་པས།། འགྲོ་མགོན་རྡོ་རྗེ་སེམས་དཔར་བཤད།། སངས་རྒྱས་ཐུགས་ཀྱི་དཔལ་བེའུ།། སངས་རྒྱས་དབུ་ཡི་གཙུག
79a3 ཏོར་དང་།། སངས་རྒྱས་ཞལ་གྱི་ལྗགས་བཟང་ནས།། འོད་ཟེར་འབྱུང་བ་བསྟན་དུ་གསོལ།། ཞེས་དྲི་བ་དྲིས་ཏེ།། རྡོ་རྗེ་འཛིན་པ་ཁྱོད་ཉོན་ཅིག། ཁྱོད་ཀྱིས་དྲི་བ་དྲིས་པ་དེ་ལེགས་སོ།། ཕྱོགས་བཅུ་དུས་གསུམ་གྱི
79a4 སངས་རྒྱས་ཐམས་ཅད་ལས་ཐུགས་རྗེ་འབྱུང་བ་ནི་ངས་བརྗོད་ཀྱིས་མི་ལངས་ཤིང་བསམ་གྱིས་མི་ཁྱབ་པ་མ་འོངས་པའི་སེམས་ཅན་ལ་མདོ་ཙམ་ཞིག་བསྟན་ཀྱིས་ཉོན་ཅིག། ཐུགས་རྗེའི་བྱེ་བྲག་གང་གི་ཡང་རྩལ་མ
79a5 འགགས་པར་ཡིན་གྱིས། དཔེར་ན་ནམ་མཁའ་ལས་སྤྲིན་དང་། ཆར་གྱི་ཚུལ་བཞིན་འབྱུང་སྟེ། ཐུགས་རིན་པོ་ཆེའི་དཔལ་བེའུ་ནས། སངས་རྒྱས་བྱམས་པ་མི་མཉམ་མགོན་པོ་ཞེས་བྱ་བ་བྱུང་ནས། རང་བཞིན་རྣམ
79a6 པར་དག་པའི་ཆོས་བསྟན་ཏོ།། དབུ་ཡི་གཙུག་ཏོར་ནས་འཇམ་དཔལ་དྲི་མེད་སྙིང་པོ་ཞེས་བྱ་བ་བྱུང་ནས། སྐུ་གདུང་དང་རིང་བསྲེལ་གྱི་ཆོས་བསྟན་ཏོ།། ཞལ་གྱི་ལྗགས་བཟང་ནས་སངས་རྒྱས་བྱེ་བ་རྣམ་པར
iiif viewer powered by OpenSeadragon
