| e-texts navigator |
| Wylie |
75b1 རུ་སངས་རྒྱས་ཀྱང་།། རྣམ་གྲོལ་ཟག་མེད་ལྔ་རུ་གསལ་བར་བསྒོམ།། འབྱུང་ལྔ་ལྷ་མོ་ལྔ་རུ་སངས་རྒྱས་ཀྱང་།། མཛེས་པའི་ལྷ་མོ་སྦྲུལ་སྐུར་གསལ་བར་བསྒོམ།། སྣང་སྲིད་རྣམ་དག་བརྗོད་པ་ལས་འདས
75b2 ཀྱང་།། ཞིང་ཁམས་རྣམ་དག་ཆོས་ཀྱི་སྐུ་ཡི་ངང་དུ་བསྒོམ།། བྱང་ཆུབ་སེམས་ལ་སྐྱེ་ཤི་མི་མངའ་ཡང་།། འདུ་འབྲལ་མེད་པའི་རྐྱེན་གྱི་ཐེག་པ་བསྒོམ།། སྣོད་བཅུད་དངོས་པོ་ཡེ་ནས་རྣམ་དག་ཀྱང་།། ཅི་ལའང་མ
75b3 ཆགས་མི་རྟོག་ཏིང་འཛིན་བསྒོམ།། འཁོར་དང་ལོངས་སྤྱོད་སྐར་ཚོགས་རྒྱས་པ་ཡང་།། ཅི་ལའང་མ་ཆགས་རང་བཞིན་རྣམ་དག་བསྒོམ།། སྒྱུ་མའི་ཕུང་པོ་ཡེ་ཤེས་གནས་ཡིན་ཀྱང་།། མ་ཆགས་མི་གནས་བཏང
75b4 སྙོམས་ཆེན་པོར་གཞག། ཀུན་གཞིའི་རྣམ་ཤེས་ཀུན་ལ་མི་འཁོར་བས།། རང་བྱུང་ཡེ་ཤེས་བདག་མེད་མྱ་ངན་འདས།། རྟག་ཆད་ཚིག་ལས་འདས་པར་སུན་ཕྱུང་ནས།། མཐོ་དམན་ཀློང་དུ་ཁོད་བསྙམས་ཏེ།། མཉམ
75b5 པ་ཆེན་པོས་མཉམ་ལས་འདས་པར་བསྒོམ།། བརྗོད་པའི་ཐ་སྙད་ཀུན་ལས་འདས་རྟོགས་ན།། རྣམ་དག་བྱང་ཆུབ་དབྱིངས་ཀྱི་བསྒོམ་པ་ཡིན།། ཞེས་བྱང་ཆུབ་ཀྱི་སེམས་རྨ་བྱ་མཇིང་བསྣོལ་གྱི་རྒྱུད་ལས། གཞི་ལམ
75b6 དང་བཅས་པའི་ལེའུ་སྟེ་གསུམ་པའོ།། །། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཞུས་པ།། སྟོན་པ་ཐུགས་རྗེ་ཆེ་མངའ་བ།། འགྲོ་བའི་མགོན་པོ་དེ་བཞིན་གཤེགས།། གཞི་ལམ་གཉིས་སུ
iiif viewer powered by OpenSeadragon
