| e-texts navigator |
| Wylie |
75a1 བཙལ་སེམས་ཉིད་མངོན་སངས་རྒྱས།། རང་ལ་གནས་པའི་དོན་དེ་སེམས་ཀྱིས་སེམས་ལ་ལྟོས།། མ་བྱུང་མ་སྐྱེས་རང་བྱུང་ཆོས་ཀྱི་སྐུ།། མི་གཡོ་མི་འགྱུར་མཉམ་པ་ཆེན་པོར་གཞག། གསལ་བ་རྟོག
75a2 མེད་ཡེ་ཤེས་ཆོས་ཀྱི་སྐུ།། མ་བཅོས་བདེ་བ་ཆེན་པོའི་ངང་དུ་གཞག། སྐུ་གསུམ་ལྷུན་གྲུབ་བཀོད་པ་རྒྱན་གྱི་སྐུ།། བདེ་ཆེན་འདུ་འབྲལ་མེད་པའི་ངངལ་གཞག། ཐིག་ལེ་ཉག་གཅིག་རང་བཞིན་སྤྲོས་དང་བྲལ།། སྣ
75a3 ཚོགས་ཤར་ཀྱང་ཉག་གཅིག་ཉིད་དུ་བསྒོམ།། ནམ་མཁའི་མཐོངས་ནས་གསལ་བའི་ཉི་ཤར་བཞིན།། སྐྱེ་མེད་དབྱིངས་ནས་རང་བྱུང་འོད་གསལ་བ།། ཐུགས་རྗེ་སྤྲུལ་པའི་འོད་ཟེར་འཕྲོ་བར་བསྒོམ།། སྣང་སྲིད་རྣམ
75a4 དག་པདྨའི་དཀྱིལ་འཁོར་ན།། བསྐྱེད་རྫོགས་རྣམ་གསུམ་མ་ཆགས་མ་བཙལ་ལྷུན་གྱིས་རྫོགས།། བསོད་ནམས་ཡེ་ཤེས་ཚོགས་རྫོགས་དག་པའི་སྐུ།། ཀུན་ཏུ་བཟང་པོའི་མཛད་སྤྱོད་རྫོགས་པར་བསྒོམ། སྒྲིབ་གཉིས
75a5 མ་སྦྱངས་ཚོགས་གཉིས་ལྷུན་གྱིས་རྫོགས།། མན་ཤེལ་སྐུ་ལྟར་དྲི་མེད་གདོད་ནས་དག། རྣམ་རྟོག་སྐྱོན་བྲལ་ཡེ་ཤེས་ལྷུན་གྱིས་གྲུབ།། རང་བྱུང་རྡོ་རྗེ་སྙིང་པོ་ཡིན་པར་བསྒོམ།། མ་བཅོས་ཆོས་སྐུ་ཀུན་གཞི་བྱང་ཆུབ
75a6 སེམས།། ས་ལ་མ་བགྲོད་ལམ་ལ་མི་གནས་ཀྱང་།། རྟོགས་པ་གདེང་དུ་མ་གྱུར་བར་དུ་བསྒོམ།། སངས་རྒྱས་ཉག་གཅིག་ཆོས་ལ་མི་གནས་ཀྱང་།། འཁྲུལ་རྟོག་སྤང་ཕྱིར་ཆོས་ཉིད་ངང་དུ་བསྒོམ།། དུག་ལྔ་ཡེ་ཤེས་ལྔ
iiif viewer powered by OpenSeadragon
