| e-texts navigator |
| Wylie |
74a1 གནས་པས་ཡོངས་ལ་ཁྱབ་པ། གཞན་དབང་དུ་མ་གྱུར་པ། ཟད་ཅིང་བྲི་བ་མེད་པས་རྒྱ་མ་ཆད་པ། ཐབས་ཀྱི་རྒྱལ་པོ་སྟོབས་ཀྱི་རིག་པ་ཤར་བས། འཁོར་བ་ཉིད་རང་བྱུང་གི་ཡེ་ཤེས་སུ་ཀ་དག། སྡུག
74a2 བསྔལ་གྱི་འདམ་རྫབ་ཉིད་ཆོས་ཉིད་བདེ་བ་ཆེན་པོར་རང་དག་པས། འཁོར་བའི་འདམ་རྫབ་ལ་རྡོ་རྗེའི་རྫོང་བཅའ་བའོ།། རིགས་ཀྱི་བུ་ཉོན་ཅིག། སེམས་ཅན་ཐམས་ཅད་ལ་ལུས་གསུམ་དུ་ཤེས་པར་བྱའོ།། ཡེ
74a3 ཤེས་ཀྱི་ལུས་སྡུག་བསྔལ་གྱི་མཐའ་ལས་གྲོལ་བའོ།། བག་ཆགས་མིན་པའི་ལུས་ཤ་ཁྲག་གི་རྡོས་པ་ཅན། གཉིས་འབྲེལ་གྱི་ལུས་སེམས་བདེ་སྡུག་གཉིས་འཛིན། གཞི་ཤེས་པ་ཆོས་ཀྱི་སྐུ་ལ། བག་ཆགས་ཀྱི་ནད་མེད
74a4 ཀྱང་། རྣམ་རྟོག་སེམས་ཀྱི་ཡུལ་ལས་བག་ཆགས་ནད་དུ་ལངས་ཀྱང་། གསོ་བྱེད་སྨན་པའི་རྒྱལ་པོས་བཟང་དྲུག་སྨན་གྱིས་གསོ་ཞེས་བྱུང་སྟེ། མ་རིག་པ་འཁོར་བའི་ནད། རིག་པ་མྱ་ངན་ལས་འདས་པས་གསོ། རྣམ
74a5 རྟོག་དུག་ལྟ་བུའི་ནད་ཆོས་ཡེ་ཤེས་ཀྱི་བདུད་རྩི་ཆེན་པོས་གསོ།། སྡུག་བསྔལ་འདམ་རྫབ་ཆེན་པོའི་ནད།། བདེ་བ་ཆེན་པོའི་ཡེ་ཤེས་ཀྱིས་གསོ།། གཏི་མུག་མུན་པ་ལྟ་བུའི་ནད། ཤེས་རབ་མར་མེ་རླུང་གིས་མ་བསྐྱོད
74a6 པ་ལྟ་བུས་གསོ།། བག་ཆགས་སྦྱོར་རྩི་ལྟ་བུའི་ནད། རང་བཞིན་མེད་པ་མན་ཤེལ་ལྟ་བུས་གསོ།། རྟོག་པ་རྩིང་ཞིབ་ཟུག་རྔུ་ཚེར་མ་ལྟ་བུའི་ནད། མཉམ་པ་ཉིད་མི་གཡོ་བ་རྒྱ་མཚོ་ལྟ་བུས་གསོ། དེས་ནི་སྡུག་བསྔལ་གྱི
iiif viewer powered by OpenSeadragon
