| e-texts navigator |
| Wylie |
71b1 དཔའ་ཆེན་པོ་ཉོན་ཅིག། རིག་པ་སྤྱི་བླུགས་ཤེས་ན་ལྟ་བའི་གནད།། ཉམས་མྱོང་བཙན་ཐབས་སྐྱེ་ན་སྒོམ་པའི་གནད།། སྣང་བ་གྲོགས་སུ་འགྲོ་ན་སྤྱོད་པའི་གནད།། ཡེ་ཤེས་རྒྱུན་དུ་གནས་ན་འབྲས་བུའི
71b2 གནད།། ཆོས་རྣམས་ཐམས་ཅད་ལྟ་བསྒོམ་སྤྱོད་པར་འདུས།། ཞེས་མན་ངག་གནད་འདུས་པའི་ལེའུ་སྟེ་བཅུ་བདུན་པའོ།། །། འབྲས་བུའི་གྲོལ་ཚུལ་ཇི་ལྟར་གནས།། གསང་བའི་བདག་པོས་བསྟན་དུ
71b3 གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཡིད་བཞིན་ནོར་བུ་བཞིན་དུ་ཐམས་ཅད་འབྱུང་།། དབུལ་མོ་གཏེར་རྙེད་བཞིན་དུ་དགོས་དགུ་རང་ལ་ཚང་། གླང་ཆེན་རབ་བརྒལ
71b4 བཞིན་དུ་ཉམ་ང་བག་ཚ་མེད།། ཤེལ་སྒོང་གཡའ་དག་བཞིན་དུ་སེམས་ཀྱི་དྲི་མ་བྲལ།། སུ་ལ་བསྟན་ཀྱང་གོ་བར་མི་འགྱུར་ཏེ།། རྨ་བྱ་མདོངས་ལ་བལྟ་བ་བཞིན།། བདག་རང་གཅིག་པུས་ཉམས་སུ་ལེན།། ཆོས་ཉིད
71b5 དབྱིངས་སུ་བྱིལ་གྱིས་བཞུད།། འབྲས་བུ་གྲོལ་ཚུལ་གྱི་ལེའུ་སྟེ་བཅོ་བརྒྱད་པའོ།། །། ཆོས་ཀྱི་མཚན་ཉིད་ཇི་ལྟར་གཟལ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།
71b6 ཀྱིཀྱེཀྱི་སེམས་དཔའ་ཆེན་པོ་ཉོན་ཅིག། སྐུ་གསུམ་འབྱུང་གནས་ཀྱི་རྒྱུད་ཅེས་བྱ་བར་ཟུང་ཞིག། རྒྱུད་ཐམས་ཅད་འབྱུང་བས་ན། རིན་པོ་ཆེ་གསང་བའི་རྒྱུད་ཅེས་བྱ་བར་ཡང་ཟུང་ཞིག། བལྟ་བསྒོམ་ཐམས་ཅད་ཀྱི
iiif viewer powered by OpenSeadragon
