| e-texts navigator |
| Wylie |
70b1 ན་ཕྱི་སྲོག་ཆོད།། དེ་ནི་ཕྱི་ཡི་སྒོམ་པ་ཡིན།། གསལ་ལ་འཛིན་པ་མེད་ན་ནང་སྲོག་ཆོད།། དེ་ནི་ནང་གི་སྒོམ་པ་ཡིན།། ཡེ་ཤེས་རྒྱུན་ཆད་མེད་ན་གསང་སྲོག་ཆོད།། དེ་ནི་གསང་བའི་སྒོམ་པ་ཡིན།། རོལ་པ་གང་ཡང་མི
70b2 འགེག་པ།། དེ་ནི་ཕྱི་ཡི་སྤྱོད་པ་ཡིན།། དྲན་རིག་གང་ཡང་མི་འགེག་པ།། དེ་ནི་ནང་གི་སྤྱོད་པ་ཡིན།། དཔའ་བརྟུལ་གང་ཡང་མི་འགེག་པ།། དེ་ནི་གསང་བའི་སྤྱོད་པ་ཡིན།། ལྷ་བསྒོམ་སྤྱོད་པའི་ལེའུ་སྟེ་བཅུ་གཅིག
70b3 པའོ།། །། ཀུན་བཟང་ཆེ་ཆུང་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། འཕེལ་བ་མེད་པའི་ཆོས་སྐུ་ཆེ།། འགྱུར།
70b4 ལྡོག་མེད་པའི་ཆོས་ཉིད་ཆེ།། སྐྱེ་ཤི་མེད་པས་སེམས་ཉིད་ཆེ།། སེམས་ཉིད་དམིགས་སུ་མེད་པས་སངས་རྒྱས་སྟན་ལྟོར་ཆུང་།། ཕུང་པོ་ལྷག་མ་མེད་པས་འཁོར་བ་རང་རླག་ཆུང་།། ཡེ་ཤེས་རང་ས་ཟིན་པས་གློ་བུར
70b5 རྣམ་རྟོག་ཆུང་།། ཞེས་རྣམ་རྟོག་ཆེ་ཆུང་བསྟན་པའི་ལེའུ་སྟེ་བཅུ་གཉིས་པའོ།། །། ཆེ་ཆུང་དོན་ལ་ཤར་བ་གཅེས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས
70b6 དཔའ་ཆེན་པོ་ཉོན་ཅིག། ཕྱོགས་མེད་ཤར་ན་ལྟ་བ་གཅེས།། འཛིན་མེད་ཤར་ན་སྒོམ་པ་གཅེས།། འགག་མེད་ཤར་ན་སྤྱོད་པ་གཅེས།། ཤར་ཚུལ་བསྟན་པའི་ལེའུ་སྟེ་བཅུ་གསུམ་པའོ།། །། ཤར་བའི་དོན་ལ་བག
iiif viewer powered by OpenSeadragon
