| e-texts navigator |
| Wylie |
70a1 སེམས་དཔའ་ཆེན་པོ་ཉོན་ཅིག། ཆོས་རྣམས་ཐམས་ཅད་རྐྱེན་ལས་བྱུང་།། རྐྱེན་ནི་སྣང་བ་དངོས་ལས་བྱུང་།། སྣང་བ་དངོས་ནི་ཡི་གེའི་གཟུགས་སུ་བྱུང་།། ཞེས་ཡི་གེ་བྱུང་བའི་ལེའུ་སྟེ་དགུ
70a2 པའོ།། །། ཆོས་རྣམས་ཐམས་ཅད་གང་དུ་འདུས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཆོས་རྣམས་ཐམས་ཅད་མིང་དུ
70a3 འདུས།། མིང་རྣམས་ཐམས་ཅད་ཡི་གེར་འདུས།། ཡི་གེ་རྣམས་ནི་སྒྲ་རུ་འདུས།། སྒྲ་རྣམས་ཀུན་བཟང་གསུང་དུ་འདུས།། ཞེས་ཆོས་རྣམས་ཚིག་དང་ཡི་གེར་འདུས་པའི་ལེའུ་སྟེ་བཅུ་པའོ།། །། ཀུན་བཟང་ལྟ
70a4 བསྒོམ་སྤྱོད་པ་ཇི་ལྟར་ལགས།། གསང་བའི་བདག་པོས་བསྟན་དུ་གསོལ། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། མ་འཕངས་རྒྱང་གསུམ་ལྟ་བ་ཡིན།། སྲོག་གཅོད་གསུམ་པོ
70a5 བསྒོམ་པ་ཡིན།། མི་འགེག་གསུམ་པོ་སྤྱོད་པ་ཡིན།། དེ་ཡི་དོན་རྣམས་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། མིག
70a6 གིས་མ་འཕངས་ཀུན་ཏུ་གསལ།། དེ་ནི་ཕྱི་ཡི་ལྟ་བ་ཡིན།། སེམས་ཀྱིས་མ་འཕངས་ཀུན་ལ་ཁྱབ།། དེ་ནི་ནང་གི་ལྟ་བ་ཡིན།། ཡེ་ཤེས་མ་འཕངས་ཀུན་ཏུ་རྟོགས།། དེ་ནི་གསང་བའི་ལྟ་བ་ཡིན།། སྣང་ལ་ཞེན་པ་མེད
iiif viewer powered by OpenSeadragon
