| e-texts navigator |
| Wylie |
6b1 ཡིན་བརྗོད་བྱ་གཅིག། ཐ་སྙད་དུ་མའི་བརྗོད་བྱ་གང་།། ཀུན་བཟང་རིག་པའི་གསང་དོན་སྟོན།། བརྗོད་པ་དམན་པའི་སྐུ་ཡིས་བསྟན།། རང་བྱུང་རིག་པ་མཆོག་གི་སྐུ།། རང་བྱུང་མཆོག་གི་སྐུ་གསུམ་རྫོགས།། མ
6b2 བཅོས་རང་བཞིན་སྙིང་པོ་ལ།། འདོད་པ་རྣམ་པ་གང་ཡང་མེད།། བསྒྲུབ་བྱ་མ་ལུས་ཀུན་གྱི་བདག། ཡེ་ཤེས་ཉི་མ་སྒྲིབ་མེད་གསལ།། སྣང་བ་མ་ལུས་རང་བྱུང་སེམས།། རིག་མཆོག་ལྡན་པ་བདེ་གཤེགས
6b3 བཀའ།། རང་བྱུང་ཚད་མ་མངོན་སུམ་གསལ།། འཁོར་བའི་རྟོག་པ་གཅོང་རྙིང་དག། ཡེ་ཤེས་རང་རིག་ཉིད་དུ་འབར།། སྤྱི་བླུགས་ཚངས་པའི་ཐབས་ཀྱིས་གསལ།། གསང་བའི་དོན་མྱོང་འོད་གསལ་ལུང་།། གཟེར
6b4 ཆེན་མན་ངག་ཐེབ་པའི་སྒྲས།། རིག་པའི་བརྡ་འཇལ་ཚིག་དང་བྲལ།། མངོན་སུམ་ཡེ་ཤེས་གསལ་བ་ཡིས།། རྗེས་སུ་རང་གཞན་ཡེ་ནས་དཔགས།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས།།
6b5 འཁོར་བ་ཡེ་ཤེས་སུ་བསྟན་པའི་ལེའུ་སྟེ་གཉིས་པའོ།། །། དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་བཀའ་སྩལ་པ། རང་བྱུང་རྫོགས་པ་ལྟ་བའི་ཀློང་།། མཉམ་ཉིད་ཡེ་ཤེས་རིག་པའི་སེམས།། སྣང་བ
6b6 ཡེ་ཤེས་རྫོགས་པ་ཉིད།། ནམ་མཁའ་རྡོ་རྗེ་ལྟ་བའི་མཆོག། བལྟ་མེད་རང་བྱུང་སེམས་ལ་བལྟ།། རྩོལ་མེད་རིག་པའི་རྣལ་འབྱོར་ཡིན།། འཇུག་པ་གཉིས་མེད་རིག་པའི་ཀློང་།། ཡེ་ཤེས་མཁའ་མཉམ་སྒྲ་དོན
iiif viewer powered by OpenSeadragon
