| e-texts navigator |
| Wylie |
6a1 ལ།། སྦྱོར་འདོད་རྒྱུས་རྩོལ་གང་ཞིག་ན།། མཐུན་པ་ཉིད་ན་མི་མཐུན་པ།། ཐུག་པ་མེད་དེ་གང་ལ་འཐད།། ཁྱད་མེད་པདྨའི་རང་བཞིན་དག། འདུ་བྱེད་ལས་ཀྱི་རྡོ་རྗེ་འཆང་།། འདུལ་མཛད་ཏིང་འཛིན
6a2 འབུམ་ཕྲག་ལས།། བསམ་བྲལ་ཏིང་འཛིན་འོད་གསལ་སེམས།། ཐབས་འཇུག་སྒྲུབ་པ་མ་ལུས་ཡིན།། མི་གཡོ་ཐིག་ལེ་བྱང་ཆུབ་སེམས།། ཡོངས་སུ་སྟོན་པའི་ངོ་བོ་ཉིད།། རང་རིག་རིག་པ་མཆོག་གི་སྐུ།། བྱང་ཆུབ
6a3 སེམས་ལ་ངོ་བོ་གཅིག། རིག་པ་མཆོག་གི་བསྟན་པ་ནི།། བརྗོད་མེད་ཀུན་ལ་རང་བཞིན་སྟོན།། རྣམ་དག་རིན་ཆེན་ལྟ་བུར་གསུངས།། མི་གཡོ་ཐིག་ལེ་ཉིད་དུ་གསལ།། ཡི་གེ་ཐ་དད་ཀུན་དང་བྲལ།། མ་འགགས་རང
6a4 སྣང་དོན་དུ་བཤད།། སྣ་ཚོགས་སྣང་བའི་རང་བཞིན་དག། རང་རིག་ངེས་དོན་ཉིད་དུ་བསྟན།། རྣམ་བཤད་རང་བྱུང་བསྟན་པའི་མཆོག། རང་རྩོལ་བྲལ་བའི་རང་བཞིན་གྱིས།། དེ་འཁོར་བསམ་པ་ཇི་བཞིན
6a5 བསྟན།། བསྟན་པའི་ཡན་ལག་འབུམ་ཕྲག་ཡས།། རང་བྱུང་དག་པའི་ཤུགས་ཀྱིས་འབྱུང་།། འདོད་རྩོལ་བློ་ལ་དྲང་བ་དང་།། ཐུགས་ཀྱི་དགོངས་པ་ངེས་པའི་དོན།། གདུལ་བྱ་རབ་འབྲིང་དོན་དུ་བཤད།། ངེས་པའི
6a6 སྙིང་པོ་གསང་བ་ཉིད།། དྲང་བའི་དོན་མིན་རང་བྱུང་བཤད།། ཆོས་སྐུ་རང་བྱུང་བསྟན་པའི་མཆོག། དེར་འདུས་འཁོར་དང་བསྟན་པ་དག། ཉིད་ལས་མི་གཞན་རང་བྱུང་ཉིད།། རིག་པ་མཆོག་གི་སྦྱོར་བ་ལ།། སོ་སོ་མ
iiif viewer powered by OpenSeadragon
