| e-texts navigator |
| Wylie |
69b1 ན།། དེ་ནི་ནང་གི་དྲི་མེད་ཡིན།། དབྱིངས་ལ་སྐྱེ་འབྲི་མི་བྱེད་ན།། དེ་ནི་གསང་བའི་དྲི་མེད་ཡིན།། བྱས་པའི་ཆོས་ལ་མི་ལྟོས་ན།། དེ་ནི་ཕྱི་ཡི་སྟོང་ཉིད་ཡིན།། མཚན་མའི་ཆོས་ལ་མི་གནས་ན།། དེ་ནི་ནང་གི་སྟོང
69b2 ཉིད་ཡིན།། ཆོས་ཉིད་ངོ་ཡིས་མི་འཛིན་ན།། དེ་ནི་གསང་བའི་སྟོང་ཉིད་ཡིན།། འབྱུང་བ་ལྔ་ལ་མི་འཛིན་ན།། དེ་ནི་ཕྱི་ཡི་རིག་པ་ཡིན།། སྒོ་ལྔར་འཛིན་པ་མ་ཞུགས་ན།། དེ་ནི་ནང་གི་རིག་པ་ཡིན།། ཡེ་ཤེས་རྒྱུན་དུ་མི
69b3 གཅོད་ན།། དེ་ནི་གསང་བའི་རིག་པ་ཡིན།། ཞེས་སོ།། རྒྱུད་གསུམ་བཀྲོལ་བའི་ལེའུ་སྟེ་བདུན་པའོ།། །། རྒྱུད་ཀྱི་ངོ་བོ་ངེས་ཚིག་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག
69b4 པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་ཀྱི་ཆོས་ཉིད་དེ།། ཀུན་ཏུ་འབྲེལ་པས་རྒྱུད་ཀྱང་ཡིན།། ཡང་དག་ལམ་དུ་ཞུགས་པ་ཡི།། གཟུང་དུ་རུང་བས་ལུང་ཡང་ཡིན།། ཉམས་སུ་བླངས
69b5 པའི་ཆོས་ཉིད་དུ།། བྱང་ཆུབ་སེམས་ལས་མེད་པའི་ཕྱིར།། དེ་ཕྱིར་མན་ངག་དམ་པ་ཡིན།། འབྲེལ་དང་མ་ཆད་མེད་པ་ཡིས།། ཕུན་སུམ་ཚོགས་ཞེས་དེ་ལ་བྱ།། གདོད་ནས་སྙིང་པོ་བྱང་ཆུབ་སེམས།། དེ་ནི་འབྲས་བུའི
69b6 རྒྱུད་དུ་བསྟན།། ཞེས་རྒྱུད་ཀྱི་ངོ་བོ་ངེས་ཚིག་བསྟན་པའི་ལེའུ་སྟེ་བརྒྱད་པའོ།། །། ཆོས་རྣམས་ཐམས་ཅད་གང་ནས་བྱུང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ
iiif viewer powered by OpenSeadragon
