| e-texts navigator |
| Wylie |
69a1 ཆོས་ཀྱི་སྐུ་རུ་གནས།། ཞེས་སྐུ་གསུམ་རང་གནས་ཀྱི་ལེའུ་སྟེ་བཞི་པའོ།། །། སྐུ་གསུམ་བཞུགས་ཚུལ་ཇི་ལྟར་བཞུགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས
69a2 གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཆོས་ཀྱི་སྐུ་ནི་མི་སྣང་ལ་རང་བཞིན་ཡོད་པར་བཞུགས། ལོངས་སྐུ་སྣང་ལ་རང་བཞིན་མེད་པར་བཞུགས། སྦྲུལ་སྐུ་སྣང་ཡང་སྣང་ལ་རང་བཞིན་ཡང་ཡོད་པར
69a3 གསུངས། ཞེས་སྐུ་གསུམ་བཞུགས་ཚུལ་གྱི་ལེའུ་སྟེ་ལྔ་པའོ།། །། དོན་གྱི་རྒྱུད་འདི་གང་ནས་བྱུང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ
69a4 ཉོན་ཅིག། བྱང་ཆུབ་སེམས་ཀྱི་ཆོས་ཉིད་ལ།། ཉོན་མོངས་སྐྱོན་གྱིས་མ་གོས་པས།། དྲི་མེད་རྣམ་དག་རྒྱུད་དུ་བྱུང་།། ཆོ་འཕྲུལ་བསམ་གྱིས་མི་ཁྱབ་པས།། སྟོང་པ་ཀུན་འབྱུང་རྒྱུད་དུ་བྱུང་།། རིག་པས་ཐམས་ཅད
69a5 བཅད་པ་ཡིས།། འཛིན་པ་སྡུག་བསྔལ་རྒྱུད་དུ་བྱུང་།། ཞེས་དོན་གྱི་རྒྱུད་དུ་བྱུང་བའི་ལེའུ་སྟེ་དྲུག་པའོ།། །། དྲི་མེད་རྣམ་དག་ཇི་ལྟར་ལགས།། སྟོང་པ་ཀུན་འབྱུང་ཇི་ལྟར་ལགས།། འཛིན་པ་སྡུག་བསྔལ་ཇི་ལྟར
69a6 ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། གཞི་ལ་སྐྱོན་གྱིས་མ་གོས་ན།། དེ་ནི་ཕྱི་ཡི་དྲི་མེད་ཡིན།། དུག་ལྔ་སེལ་དུ་མི་འཛིན
iiif viewer powered by OpenSeadragon
