| e-texts navigator |
| Wylie |
68b1 ཚུལ།། གཅིག་པ་མ་ཡིན་ཐ་དད་མིན།། རྟོགས་ན་བྱང་ཆུབ་སེམས་སུ་གཅིག། མ་རྟོགས་སེམས་ཅན་ཐ་དད་སྣང་།། ཞེས་གསུངས་སོ།། གཅིག་པ་དང་ཐ་དད་ལས་གྲོལ་བའི་ལེའུ་སྟེ་གཉིས་པའོ།། །། ཆོས་ཀྱི་སྐུ
68b2 རུ་ཅི་ཕྱིར་བཏགས།། ལོངས་སྤྱོད་སྐུ་རུ་ཅི་ཕྱིར་བཏགས།། སྤྲུལ་པའི་སྐུ་རུ་ཅི་ཕྱིར་བཏགས།། དེ་ཡི་ངེས་ཚིག་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་ཡང་གསུངས་པ།།
68b3 ཀྱེ་སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་དཔའི་ཆོས་ཉིད་དེ།། མི་སྣང་བ་ལ་མངོན་དུ་འབྱིན་ནུས་པས།། ཆོས་ཀྱིས་སྐུ་རུ་བཏགས་པ་ཡིན།། འབྱུང་བ་ལྔ་དང་འདོད་ཡོན་ལྔ།། དུག་ལྔའི་ཡེ་ཤེས
68b4 ལོངས་སྤྱོད་པས།། ལོངས་སྤྱོད་སྐུ་རུ་བཏགས་པ་ཡིན།། འབྱུང་བ་ལྔ་རུ་སྐུ་སྤྲུལ་ནས།། ཐམས་ཅད་རིག་པའི་དབང་བསྐུར་ཞིང་།། གང་ལ་གང་འཚམས་སྦྲུལ་མཛད་པས།། སྤྲུལ་པའི་སྐུ་རུ་བཏགས་པ་ཡིན།། ཞེས་སྐུ
68b5 གསུམ་ངེས་ཚིག་གི་ལེའུ་སྟེ་གསུམ་པའོ།། །། སྐུ་གསུམ་གནས་ལུགས་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན
68b6 ཅིག། རིགས་དྲུག་དབྱིངས་ན་གནས་ཙམ་ན།། ཆོས་སྐུ་དྲི་བཅས་ཆོས་ཀྱི་སྐུ་རུ་གནས།། རྟོགས་ལྡན་དབྱིངས་ན་གནས་ཙམ་ན།། རྒྱུན་དང་དུམ་བུའི་ཚུལ་དུ་གནས།། རྟོག་མེད་དབྱིངས་ན་གནས་ཙམ་ན།། དྲི་མེད
iiif viewer powered by OpenSeadragon
