| e-texts navigator |
| Wylie |
68a1 བའི་བཀའ་འདི་གཞན་དུ་དད་མོས་མིན།། འཇུག་ཀྱང་མཚན་མ་དབྱིངས་སྟོང་རང་བཞིན་ཉིད་དེ་འཇུག། སེམས་ཀྱང་དེར་བསྐྱེད་འབྲས་བུ་དེར་ཐོབ་པས།། དཔྱོད་མཐའ་ཐམས་ཅད་འཁོར་བ་དེ་ཉིད
68a2 ཁོ་ནར་ཟད།། བྱང་ཆུབ་ཀྱི་སེམས་ཉ་མོ་བག་ཉལ་ལས། དོན་དགོངས་པར་བསྟན་པའི་ལེའུ་སྟེ་དྲུག་པའོ།། །། གསང་བའི་དོན་མེད། བཻ་རོའི་འགྱུར་ཡིན་ནོ།། །།
68a3 @།། རྒྱ་གར་སྐད་དུ། རཏྣ་དྷ་སྐ་ར་ཏནྟྲ་ནཱ་མ། བོད་སྐད་དུ། རིན་པོ་ཆེ་སྣང་བྱེད་ཀྱི་རྒྱུད་ཅེས་བྱ་བ། བཅོམ་ལྡན་འདས་བྱ་བྲལ་དང་ལ་ཕྱག་འཚལ་ལོ།། ཀྱེ་ཀྱེ་ཆོས་ཀྱི་སྐུ་འདི་གང་ནས་བྱུང་།། ལོངས་སྤྱོད་སྐུ་འདི
68a4 གང་ནས་བྱུང་།། སྤྲུལ་པའི་སྐུ་འདི་གང་ནས་བྱུང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཆོས་ཀྱི་སྐུ་འདི་སེམས་ཉིད་ངང་ལས
68a5 བྱུང་།། ལོངས་སྤྱོད་སྐུ་འདི་ཡེ་ཤེས་དང་ལས་བྱུང་།། སྤྲུལ་པའི་སྐུ་འདི་རིག་པའི་ངང་ལས་བྱུང་།། ཞེས་གསུངས་སོ།། རིན་ཆེན་སྣང་བྱེད་ཀྱི་རྒྱུད་ལས། སྐུ་གསུམ་བྱུང་བའི་ལེའུ་སྟེ་དང་པོའོ།། །། ཆོས་སྐུ་ལོངས
68a6 སྐུ་སྦྲུལ་སྐུ་གསུམ།། གཅིག་པ་ལགས་སམ་ཐ་དད་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ནམ་མཁའི་ཟླ་དང་ཆུ་ཟླའི
iiif viewer powered by OpenSeadragon
