| e-texts navigator |
| Wylie |
67a1 ནས་དོན་གྱིས་གྲུབ་པར་བྱ་བ་ཉིད།། ཁྱད་པར་གྲོལ་ཞིང་དེ་མིན་དེ་མེད་དེ་ལ་རྩོལ་བྲལ་ན།། སྔོན་གྱི་དྲང་སྲོང་བསྒོམ་མཁན་བསྒོམ་པ་ཉིད་དུ་གང་འདོད་པ།། བསྒོམ་ཆགས་ལམ་གྱི་ནད་ཀྱིས་ཟིན་པ
67a2 ཡིན།། དཔྱོད་པའི་མཐའ་ལ་དོན་གྱི་ལུང་མེད་འཁྲུལ་པ་ཡིན།། ཚིག་གི་མཐའ་དཔྱོད་ལམ་དུ་འདོད་ཅིང་རེ་མཐོང་བ།། དེ་ཉིད་རྟོག་པའི་རྒྱུ་འབྲས་སྨིག་རྒྱུ་བསྙེག་པ་འདྲ།། ཤེས་རབ་ཟབ་མོས་བླ་མེད་སངས་རྒྱས
67a3 ཚོལ་བར་རབ་ཏུ་སླ།། གཞན་ནས་མ་ཡིན་དེ་ཉིད་ཡིན་ཏེ་མཆོག་ཏུ་འདོད།། ཡང་དག་ལམ་ནི་ཚིག་གིས་མཚོན་དུ་མེད།། ཡང་དག་ཉིད་དུ་མཐོང་ན་འཁྲུལ་པ་སྟེ།། དག་དང་མ་དག་མཐོང་མེད་མཚུངས་པའི
67a4 ལམ།། རྣམ་པར་ཅི་ཡང་མི་འབྱེད་ཡེ་ཤེས་གཏི་མུག་དང་།། རང་གིས་མི་གཡོ་མི་བསྐྱོད་ཏིང་འཛིན་རྒྱལ་པོར་གནས།། འདི་ལྟར་མཐོང་ཞེས་མཐོང་བའི་དམིགས་མེད་མངོན་སུམ་མཐོང་བའི་ལམ།། དེ་ཕྱིར་ཐམས
67a5 ཅད་མཁྱེན་པའི་སྤྱན་ཞེས་དེ་ལ་བྱ།། མཐའ་དང་དབུས་མེད་ཡངས་པའི་རང་བཞིན་ཞེས།། མི་ལེན་མི་སྤང་མཉམ་པའི་རྒྱལ་པོ་འཐོབ།། སེམས་དང་བག་ཆགས་གཉིས་མེད་འདྲེས་ཤིང་མཚུངས།། འཛིན་པས་སྣང
67a6 ཞིང་བརྟགས་པའི་ཆོས་རྣམས་ཀུན་ལ་ནི།། མི་འདོར་མི་སྤང་རང་བྱུང་དེ་ཉིད་དེ།། རྣམ་པ་ཅིར་ཡང་མི་དགོངས་ཐབས་ཀྱིས་དེ་ལ་རོལ།། ཀུན་དང་མི་མཐུན་ཡོངས་ཀྱིས་སྤངས་པའི་ཆོས།། ཉོན་མོངས་ལྔ་དང
iiif viewer powered by OpenSeadragon
