| e-texts navigator |
| Wylie |
60b1 བརྟེན་ནས།། སངས་རྒྱས་ཆོས་སྐུ་དཔག་ཏུ་མེད་པ་འབྱུང་བར་འགྱུར།། ཆོས་སྐུའི་རྣམ་པར་མི་རྟོག་རྟག་ཆད་མ་ཡིན་པས།། ཡང་དག་དབུ་མའི་ལམ་དུ་ཁྱད་པར་བསྟན་པ་ནི།། བླ་མེད་བྱང་ཆུབ་ལྷུན་གྱིས་གྲུབ་པའི
60b2 ཡེ་ཤེས་སྐུ།། མཚན་མ་རྣམས་དང་ཡེ་ཤེས་དེ་བཞིན་ཉིད་དེ་འདྲེས་མ་ཡིན།། མངོན་པར་འདུ་བྱེད་མཚན་རྣམས་ཐམས་ཅད་ཀྱིས།། སངས་རྒྱས་ལྷུན་གྲུབ་མཚན་ལྡན་མ་ཡིན་ནོ།། དེ་དག་མ་ལུས་འཁོར་ལོས་སྐུར
60b3 ཡོན་ཏན།། དེས་ནི་སངས་རྒྱས་མི་མཐོང་དེ་བཞིན་ཉིད་དང་ལྡན།། ཉེ་ལམ་བདེར་རྫོགས་ཡོན་ཏན་དཔག་མེད་དེ།། ཆོས་རྣམས་མ་ལུས་ངོ་བོ་གཅིག་གི་ངང་དུ་གནས་པ་ལ།། ངོ་བོ་དེ་ཉིད་དེ་བཞིན་རྣམ་རིག་ན།། ཡེ
60b4 ཤེས་ཆེན་པོའི་ཚོགས་ཆེན་རྣམ་པར་དག། ལམ་གྱི་ལམ་མཆོག་མངོན་དུ་རྙེད་པའོ།། ངོ་བོ་ཉིད་ཀྱིས་རྣམ་པར་དག་ལ་བྱང་ཆུབ་ཀློང་།། བསོད་ནམས་ཀློང་ཆེན་བཙུག་པ་ཡེ་ཤེས་དག་པའི་རྒྱུ།། སྦྱིན་པ་ཚུལ་ཁྲིམས
60b5 བསླབ་པའི་གནས་འཛིན་པ།། ཡེ་ཤེས་ཆེན་པོ་ཚོགས་ཆེན་སྐྱེད་པའི་རྒྱུ་ཡིན་ནོ།། འཁོར་གསུམ་ཡོངས་སུ་དག་པའི་ཚུལ་གྱིས་གང་སྤྱོད་པ།། འཇིག་རྟེན་ལས་འདས་ཕ་རོལ་ཕྱིན་པའི་རྒྱུ་མཆོག་གོ།། གང་ཡང་གཏོང
60b6 པབ་མངོན་དུ་གྱུར་ནས་བསགས་པ་མཐར་ཕྱིན་པ།། ཡེ་ཤེས་ཀྱི་ཚོགས་རྫོགས་པར་བྱེད་པའི་ལམ་མཆོག་གོ། གང་གཏོང་བ་ལ་ལེ་ལོ་སྙོམས་པ་གཡེངས་པ་མེད་གྱུར་ན།། ངོ་བོ་ཉིད་ཀྱི་ཆོས་གཅིག་དེ་བཞིན་ཉིད་ཀྱང
iiif viewer powered by OpenSeadragon
