| e-texts navigator |
| Wylie |
60a1 དམིགས་པ་ལ།། བརྟུལ་བ་ཇི་ལྟར་བྱས་ཀྱང་མི་གཡོ་བ་ཡི་འབྱུང་འཇུག་གསལ།། ཇི་ལྟར་གསལ་བ་དེ་ཉིད་འཁྲུལ་པའི་འཁྲུལ་པ་ཡིན།། རྣལ་འབྱོར་ལམ་བྱེད་ལམ་རྣམས་མཉམ་པར་ནི།། དུས
60a2 གསུམ་སངས་རྒྱས་རྣམས་ཀྱིས་ཁྱད་པར་གསུངས།། རྩ་བ་མེད་པའི་དངོས་མེད་སེམས་ཉིད་ནི།། ཕྲ་བར་སྦྱངས་པས་ཀུན་གྱི་སྤྱོད་ཡུལ་ལས་འདས་ཏེ།། འཕགས་པའི་སྤྱན་གྱི་གཟིགས་ཤིང་ཤེས་སུ་རུང་མ
60a3 ཡིན།། ཅིར་ཡང་མཐོང་བ་མེད་པས་སེམས་ཀྱི་ངོ་བོ་མཐོང་།། མི་མཐོང་མཐོང་ཕྱིར་རྣམ་པར་མི་རྟོག་མཐོང་།། མིང་དུ་གདགས་སུ་ཚོར་བའི་ངོ་བོར་གསལ།། ཡེ་ཤེས་སྒྱུ་མའི་ཐིག་ལེ་ཆེར་གྲགས་པས།། ཁམས
60a4 གསུམ་དུས་གསུམ་ཀུན་བཟང་ཉིད་ཀྱི་རོལ།། ཆོས་རྣམས་ཟག་མེད་ཐམས་ཅད་མ་ལུས་ཀུན།། དངོས་པོ་ཉིད་མེད་དངོས་པོས་བསྡུས་པའི་དེ་བཞིན་ཉིད་རིག་ན།། ཡེ་ཤེས་དག་པའི་ཚོགས་ཆེན་བསྒོམ་པ་དེ་ཡིན
60a5 ཏེ།། ལམ་མཆོག་འབྲས་བུ་ཆོས་སྐུ་དེ་མཐོང་བས།། ངོ་བོ་ཉིད་ཀྱི་ངོ་བོ་ཉིད་རོལ་རྣམ་དག་ནས།། དེ་དང་དུས་གསུམ་མི་འབྲལ་དེ་ལ་དེ་བཞིན་གནས།། ཉེ་ལམ་ཉིད་རྫོགས་ཕ་རོལ་ཕྱིན་འཚང་རྒྱ།། ངོ་བོ་ཉིད་ཀྱིས
60a6 ཆོས་རྣམས་གནས་པའི་ངོ་བོ་ཉིད།། ངོ་བོ་ཉིད་མེད་དེ་ཡང་མེད་རིག་པས།། ཆོས་རྣམས་ཐམས་ཅད་གྲགས་པ་མེད་པ་ཡིན།། གྲགས་ཀུན་སྤངས་པ་ཆོས་ཀྱི་རྒྱལ་པོ་དེ་བཞིན་ཉིད།། ཆོས་སྐུའི་ཏིང་འཛིན་རིན་ཆེན་ལ
iiif viewer powered by OpenSeadragon
