| e-texts navigator |
| Wylie |
5b1 གནས་ལ།། རིམ་པར་མ་ཡིན་ཅིར་མི་དགོངས།། ཡེ་ཤེས་ཀུན་བཟང་ལམ་ཆེན་ལ།། བློ་ཡི་སྟོབས་ཀྱིས་གང་འཇུག་པ།། སྦྱོར་ལྡན་ཀུན་གྱི་ལམ་དང་བྲལ།། བཙལ་མེད་རང་བྱུང་བདེ་ཆེན་ནི།། འདོད་པའི་རྩོལ་བ
5b2 གང་འཕགས་པའི།། རིམ་འཇུག་རྒྱུ་འབྲས་མ་ལུས་སྟོང་།། ཀུན་བཟང་རང་རིག་འོད་གསལ་ལ།། འདོད་པའི་སྦྱོར་བ་གང་འཇུག་ན།། ཕྱོགས་བྲལ་རང་བྱུང་དོན་དང་བྲལ།། རྩ་བ་རྣམ་དག་མཁའ་ལྟར་ཁྱབ།། རྣམ
5b3 རྟོག་འཛིན་པའི་སྤྱོད་ཡུལ་མིན།། བགྲོད་མེད་སྟོང་པའི་ཐིག་ལེ་ནི།། རྣམ་པ་དང་མེད་གསང་བའི་སེམས།། བཏགས་པ་སྣ་ཚོགས་ངོ་བོ་ལ།། མི་གཡོ་རང་བཞིན་དཀྱིལ་འཁོར་ནས།། ཡེ་ཤེས་ཉི་མ་ཀུན་མཐོང
5b4 ཡང་།། ཤིན་ཏུ་སྦྱོར་ལྡན་རྣལ་འབྱོར་ལ།། བཏགས་པའི་སྣང་བ་མཐོང་བ་མེད།། བསམ་གྱིས་མི་ཁྱབ་གང་དུས་ན།། འོད་གསལ་ཡེ་ཤེས་དོན་སྣང་ཡང་།། གང་མཐོང་སྣ་ཚོགས་སེམས་དང་བྲལ།། རང་བྱུང་དག་པའི
5b5 དཀྱིལ་འཁོར་ལ།། རང་གཞག་རིག་པ་ཀུན་རྟོགས་ཀྱང་།། སྦྱོར་འདོད་སྣ་ཚོགས་མཐོང་བ་མེད།། གསང་བའི་འཁོར་ལོ་རྫོགས་པ་འདི།། རྒྱུ་རྐྱེན་མཐར་འགྱུར་རང་གནས་པ།། དྲི་མེད་སྙིང་པོ་རང་གསལ་བས།། རྒྱུ
5b6 རྐྱེན་འདོད་པའི་ངོ་བོས་སྟོང་།། གང་ཞིག་རྒྱུ་འབྲས་ངོ་བོ་ཉིད།། དཔེར་ན་རི་བོང་རཱ་བཞིན་ནོ།། རྒྱུ་མེད་རྒྱུས་བསྐྱེད་དེ་དང་འདྲ།། རང་གནས་ཡེ་ཤེས་གདོད་ནས་གྲུབ།། གང་དག་པ་ཡི་འཁོར་ལོ
iiif viewer powered by OpenSeadragon
