| e-texts navigator |
| Wylie |
59a1 བཞིན་སྒྲུབ་པའི་ནོར་བུའི་རྒྱལ་པོ་ཆེན་པོ་ནི།། ཡིད་བཞིན་འདོད་པའི་རེ་བ་རྫོགས་པར་བྱེད།། དེ་བཞིན་རྣམ་པར་མི་རྟོག་པ་ཡི་ཆོས་ཉིད་ཀྱང་།། རྟོག་མཐའ་ཟད་པའི་སྨོན་ལམ་མ་ལུས་རྫོགས་པར
59a2 གནས།། མཐའ་དང་དབུས་མེད་གང་ལའང་མི་སྤྱོད་མཉམ་གནས་པ།། མཉམ་པའི་རྒྱལ་པོ་སངས་རྒྱས་ཉིད།། ཚོར་བ་དེ་བཞིན་གཤེགས་པ་ནི།། ཡང་དག་དོན་དམ་འདི་ལ་བསམ་བྱ་གང་ཡང་མེད།། གཞག་པར་བྱ
59a3 བའང་ཡེ་ནས་ཅི་ཡང་མེད།། ཡང་དག་ཉིད་ལ་ཡང་དག་ཉིད་གནས་ཕྱིར།། དོན་དམ་ཡང་དག་ཉིད་ལ་ཡང་དག་བལྟ།། ཡང་དག་མཐོང་ན་ཐམས་ཅད་རྣམ་པར་གྲོལ།། ཡང་དག་དོན་ཆེན་རྣམ་པར་དབྱེ་བ་ལ།། གཡོ
59a4 བར་བྱ་བའི་ཡིད་ཀྱང་མི་གཡོ་མེད་པ་སྟེ།། ཉོན་མོངས་རྣམ་ཤེས་སྦྲུལ་དེས་སྒོ་ལྔར་འགྱུས།། ཀུན་ཏུ་ངེས་པར་བཟང་བའི་གནས་ངན་ལེན།། མི་བཟད་སྲིད་པའི་རྒྱ་མཚོ་འཁོར་བའི་འོབས་ན་གནས།། དེར་བརྟགས
59a5 གནས་ལས་དབེན་པས་ཡེ་ཤེས་སྙིང་།། དེ་ལྟའི་མི་རྟོག་བྱང་ཆུབ་སྙིང་པོའི་ལམ།། ཡིན་གྱིས་རྣམ་ཤེས་གང་གི་རྗེས་མི་འབྲང་།། རྣམ་པར་མི་རྟོག་ཉམས་སུ་དེས་མྱོང་ཀློང་།། དེ་ཉིད་ཚོར་བ་ཉིད་དེ་ཚོར་བའི་རྒྱལ་པོ
59a6 ཡིན།། དངོས་པོ་གང་དུའང་མི་གནས་མི་དམིགས་ཤིང་།། ཇི་ལྟར་བསམ་པ་བསམ་རྟོགས་ཉིད་ཡིན་ཏེ།། ཆོས་རྣམས་མ་ལུས་སྣང་རྟོག་གང་བྲལ་བྱེད།། དེ་ནི་སངས་རྒྱས་ཉིད་མཉེས་ས་ཆེན་ལྷུན་གྱིས་གྲུབ།། བདག
iiif viewer powered by OpenSeadragon
