| e-texts navigator |
| Wylie |
58b1 ཉིད་མེད་པའི་མཚན་ཉིད་ནི།། རྣམ་པ་ཐམས་ཅད་མཁྱེན་པའི་ཡེ་ཤེས་ཉིད་ཡིན་ཏེ།། ཡེ་ཤེས་སྙིང་པོར་སངས་རྒྱས་ས་རྣམས་མ་ལུས་བསྡུས།། ཆེ་བའི་ཆེ་བ་ཡང་དག་དོན་གྱི་སྒོ་ཉིད་ནི།། རྣམ་པའི་གྲངས་དང
58b2 དམིགས་པ་གཉིས་པོ་སྤངས།། སྣང་མེད་ཆོས་ལ་སྣང་བ་མེད་པར་ཡེ་གནས་པས།། མཚན་མའི་རྣམ་རྟོག་ཐེག་པ་རྣམས་ལ་ག་ལ་འཇོག། སེམས་ཅན་སེམས་ཅན་ཙམ་ཡང་མི་སྣང་ན།། སངས་རྒྱས་སངས་རྒྱས་ཀུན
58b3 གྱི་ས་ལ་དེ་བཞིན་གནས།། མི་རྟོག་བྱང་ཆུབ་སྙིང་པོ་མི་རྟོག་མྱ་ངན་འདས།། སྣ་ཚོགས་མཚན་མ་འཛིན་པའི་འདུ་ཤེས་དང་བྲལ་བ།། རྒྱལ་བའི་བཅོམ་ལྡན་འདས་ཏེ་བཅོམ་ལྡན་འདས།། ཐེག་ཆེན་སྙིང་པོ་རྣམ་མི
58b4 རྟོག་པའི་མཆོག། གང་ལ་མི་གནས་མི་རྟོག་བྱང་ཆུབ་པོ།། བྱང་བ་དང་ནི་མཚན་ཉིད་ཐམས་ཅད་མ་ལུས་ཀུན།། དངོས་པོར་མྱ་ངན་འདའ་བར་གྱུར་པ་ཡོངས་མི་སྲིད།། རྣམ་རྟོག་མཚན་འཛིན་རྣམ་པར་ཤེས་པ
58b5 ལ།། ཡེ་བཟློག་མྱ་ངན་འདའ་བའི་ཐིག་ལེ་བྱང་ཆུབ་པོ།། དེ་བཞིན་རྣམ་པར་མི་རྟོག་སྙིང་པོས་དོན་མཛད་པ།། དེ་བཞིན་གཤེགས་པའི་དགོངས་པ་རྣམ་མི་རྟོག། རྟོག་པའི་དྲི་མ་ཟད་ཕྱིར་ཅིར་ཡང་སྟོན།། སེམས་ཅན
58b6 རྣམ་རྟོག་དེ་ཡིས་བསྐང་བས་ན།། དེ་བཞིན་ཉིད་ནི་དོན་མཛད་སེམས་ཅན་མགོན།། བདག་དང་གཞན་གྱི་དབང་ལ་གནས་པའི་རིགས་དྲུག་མ།། མི་རྟོག་བྱིན་རླབས་རྒྱུན་མི་འཆད་པར་རྟག་ཏུ་སྟོན།། ཇི་ལྟར་ཡིད
iiif viewer powered by OpenSeadragon
