| e-texts navigator |
| Wylie |
57b1 དབང་།། རྟོགས་པའི་དབང་ལས་མི་རྟོག་ཡེ་ཤེས་སྐྱེ།། རྣམ་མི་རྟོག་པའི་དབང་དུ་ཐམས་ཅད་མ་ལུས་འདུན།། མཚན་མ་མ་ལུས་འདུད་ཕྱིར་ཆེན་པོ་ཉིད་ཀྱི་དབང་།། ཇི་ལྟར་མཚན་མ་དེ་དག་ཡོངས་སུ་རྣམ་པར་དག
57b2 གྱུར་པ།། སྣང་བ་ཉིད་ནི་ཡིད་ལ་མི་ཕྱེད་པའོ།། མཚན་མ་དེ་བཞིན་དེ་ལས་ཡེ་ཤེས་རྩ་བ་བྱུང་།། དེ་ཉིད་མཚན་མར་འདུས་ཏེ་མཚན་ཉིད་སྙིང་པོ་ཉིད།། མི་རྟོག་པ་ཡི་སེམས་ཀྱི་ཆོས་ཉིད་དེ་ཉིད་དབང་།། ཅིས་ཀྱང
57b3 བསླད་པས་མི་བསླད་རིན་ཆེན་གསེར།། གྱོ་མོ་ཤིང་བུ་གསེག་མར་མི་གནས་པས།། ཤིང་བུ་རྩོལ་བས་ཀུན་ཏུ་ཞིབ་བརྟགས་ན།། འཁྲུལ་པ་གྲུར་ཞུགས་སྨྱོན་པ་རླུང་ཆེན་དང་།། ར་རོ་ཚུལ་ཙམ་རྣམས་ལ་མི་སྣང་སྲིད
57b4 འགྱུར་ཀྱང་།། བརྟགས་པ་དེ་ལ་སྦྱང་བ་གསེར་དུ་སྣང་།། དེ་བཞིན་ཀུན་གཞིའི་རྣམ་ཤེས་ཉིད་བདུན་བཅས་པའང་།། ཏིང་ངེ་འཛིན་གྱིས་ཡོངས་སུ་སྦྱངས་པ་ཡིས།། རྣམ་འབྱོར་ཅན་གྱིས་རྟག་ཏུ་དེ་མཐོང་འགྱུར།། མི
57b5 རྟོག་པ་ཉིད་ཡེ་ཤེས་ཀུན་གྱི་ཡེ་ཤེས་སྙིང་།། སྐྱེ་ཞིང་འཇིགས་པ་སྤྲེའུ་འདྲའི་རྣམ་ཤེས་དེ།། མི་སྐྱེ་མི་འཇིག་དེ་བཞིན་པ་ནི་ཡེ་ཤེས་སྐྱོད།། ཡེ་ཤེས་ཉིད་འཁྲུལ་རྣམས་ལ་སྣང་ཕྱིར་ཡེ་ཤེས་མེད།། ཡེ་ཤེས་མེད་ཕྱིར་དེ
57b6 བཞིན་ཉིད་ཀྱང་ཡོད་མི་འགྱུར།། མི་རྟོག་པ་ཉིད་ཚུལ་ཁྲིམས་ཉིད་དེ་ཁྲིམས་འཆལ་མིན།། ཚུལ་ཁྲིམས་ཉིད་དུ་ཚུལ་ཁྲིམས་དེ་གནས་སོ།། ཡོངས་ཀྱི་སྙིང་པོ་དེ་ལ་དེ་མེད་འཁྲུལ་པར་སྣང་།། འཆལ་བའི་ཚུལ་ཁྲིམས
iiif viewer powered by OpenSeadragon
