| e-texts navigator |
| Wylie |
56a1 དབུ་ཕྱག་ཅན།། མཚན་ཅན་རྟོག་པ་དཀར་དམར་ནག་ལྡང་སེར།། མི་བརྟག་མི་དམིགས་མཉམ་སྦྱོར་དོན་འཚོལ་བས།། སྨིག་རྒྱུ་ཆུ་རུ་བསྙེག་པ་ལྟ་བུར་འགྲུབ་མི་སྲིད།། བྱང་ཆུབ་ཆེན་པོ་རྣམ་ཐར་ཀུན
56a2 གྱི་ལམ་ལ་གནས།། དེར་འགྲོ་ཡེ་ཤེས་བརྩེགས་པའི་རིན་ཆེན་རྒྱན་ཕྲེང་ཅན།། སྲིད་གསུམ་མ་ལུས་ལུས་པ་མེད་པའི་རྒྱས་བཏབ་པས།། ཐིག་ལེ་ཆེན་པོར་སྙོམས་འཇུག་ཆེན་པོས་ཆེ་བ་ལྔ།། ཕྱག་རྒྱ་ཉི་ཤུ་རྩ་ལྔས
56a3 ལུས་བཅིངས་བྱ་བྱེད་མེད།། འཇིག་རྟེན་གསུམ་གདུལ་མེད་དེ་དེ་བཞིན་ཉིད་དུ་འདུལ།། ཆུང་ཆེ་ཕྱག་རྒྱའི་སྙིང་པོས་བཙན་པར་བཏབ་པའི་རྒྱ།། དེ་ཡིས་མ་ཕྱུང་དེ་ལས་ཐམས་ཅད་དེ་བཞིན་ཕྱུང་མེད་ཕྱུང་།། ཐམས
56a4 ཅད་ཕྱག་རྒྱས་བཏབ་ཀྱང་ཆེ་བ་གཅིག་གི་ངང་།། ཆེ་བ་ལྔ་ལྡན་སྙིང་པོ་མེད་པའི་དོན་ཉིད་ནི།། སྤྱི་མཐུན་ལས་ཀྱིས་མི་བསྒྲིབ་གཡོ་མེད་རང་བཞིན་གནས།། ཡེ་ཤེས་རྣམ་གྲངས་བསམ་ཡས་དཔག་མི་ལངས།། ཡེ
56a5 ཤེས་ཉིད་ལས་གཞན་དུ་གཡོས་པ་མེད།། ནོར་བུ་རིན་ཆེན་ཚུལ་དུ་འབྱིན་པའི་རྒྱུ།། གང་ཡང་མི་སྐོར་མི་ལེན་ཐིག་ལེ་ཡོངས་ཀྱི་ལམ།། ཟླ་བ་ལྟ་བུར་རྣམ་གྲོལ་དམ་པའི་སྒྲ།། ཕྱག་རྒྱ་ཆེན་པོའི་ངང་དུ་ཐམས་ཅད
56a6 བརྩོན་པར་གནས།། ཡེ་ཤེས་འོད་གསལ་སྟོང་སྨོན་མཚན་མེད་གསལ།། སུས་ཀྱང་མ་བཅོས་ཐིག་ལེ་ཉིད་ལས་ཉམས་པ་ཡང་མེད།། གང་ཡང་དེ་ཡོད་པ་ལ་འཛིན་པའི་རྟོག་པ་ཡོད་ཕྱིར་བྱང་ཆུབ་མེད།། དེ་ཡིས་དེ
iiif viewer powered by OpenSeadragon
