| e-texts navigator |
| Wylie |
51b1 དང་སྒྲིབ་པར་མི་འགྱུར་རོ།། ཀྱེ་ངོ་བོ་ཉིད་ཀྱིས་སྟོང་པ་ཆེན་པོ་རོལ་པ་སྐྱེ་བའི་ཆོ་འཕྲུལ་སྣ་ཚོགས་སུ་སྣང་བ་བདེ་ཙམ་ན་གབ་པ་མངོན་དུ་ཕྱུང་བའི་ཡེ་ཤེས་ཟང་ཐལ་དུ་ཐུག་ཕྲད་པའོ།། དེ་ཉིད་ཆོས་ཐམས་ཅད
51b2 སེམས་ཉིད་དུ་མ་འགགས་པ་ལ་མ་ཞེན་ན་སྣང་བ་རང་སར་བཞག་པའོ།། ཡང་དག་པར་རྫོགས་པའི་སངས་རྒྱས་སྔོན་འདས་པ་ཐམས་ཅད་ཀྱི་གཤེགས་ཤུལ་ཀྱང་བྱང་ཆུབ་ཀྱི་སེམས་རང་གི་ཡེ་ཤེས་སོ།། ད་ལྟར
51b3 བཞུགས་པའི་སངས་རྒྱས་དང་། འགྲོ་བ་རིགས་དྲུག་གི་སེམས་ཅན་ཐམས་ཅད་ཀྱང་ཆོས་སྐུ་རང་གསལ་གྱི་དབྱིངས་ནས་ལོངས་སྤྱོད་ལ། མ་བྱོན་པའི་རྒྱལ་བ་དང་འགྲོ་བ་ཐམས་ཅད་ཀྱི་ལམ་དུ་ཡང་རིག་པའི་རླུང་སྒོ
51b4 ཆེན་པོ་ཉིད་བདེ་བའོ།། ཞེས་གསུངས་སོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། ཐིག་ལེའི་དོན་མན་ངག་གིས་གཅོད་པའི་ལེའུ་སྟེ་བཅུ་གཉིས་པའོ།། །། དེ་ནས་ཉིད་ཀྱི་རང་བཞིན་གྱིས་ངོ་བོ་ཉིད་ལས
51b5 དབྱེར་མི་ཕྱེད་པའི་འཁོར་ལ་རྒྱུད་གཏད་པ་འདི་གསུངས་སོ།། ཨེ་མ་ཧོ་འདུས་པའི་ཚོགས་ཆེན་པོ་རང་རང་གི་རང་བཞིན་བསྟན་པའི་རྒྱུད་ཆེན་པོ་འདི་ཟུང་ཞིག། བྱང་ཆུབ་ཀྱི་སེམས་འཁོར་ལོ་བརྩེགས་པ་འདི་ཉིད
51b6 དུ་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་དང་།། སྟོན་པའི་རང་བཞིན་ཀུན་ཏུ་བཟང་པོ་དང་། ངོ་བོ་རྡོ་རྗེ་སེམས་དཔའ་ལས། བསྟན་པ་ཆོས་ཉིད་བྱང་ཆུབ་སེམས་སུ་བསྟན་པ་ཡིན་པའི་ཕྱིར་འཁོར
iiif viewer powered by OpenSeadragon
