| e-texts navigator |
| Wylie |
51a1 བསྡུས་པ་ཕྱི་ནང་གཉིས་སུ་མེད་པ་ཐམས་ཅད་ལ་གདོད་མ་ནས་སངས་རྒྱས་ཉིད་དུ་ཤེས་པ་ན་གོལ་མ་གོལ་གཉིས་སུ་མེད་དེ་གཡང་ས་ཆོས་ཉིད་དུ་གྲོལ་བའོ།། ཆོས་ཉིད་རྒྱུ་རྐྱེན་ལས་མ་བྱུང་བའི་དོན
51a2 ནི་སྐྱེ་ཤི་དང་བྲལ་ལོ།། དེ་ཉིད་ལ་རྩོལ་སེམས་དང་རྣམ་པར་རྟོག་པའི་མཚན་མས་ནི་གང་དུ་ཡང་བསླད་དུ་མེད་པའོ།། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སེམས་ཉིད་རང་བྱུང་གི་ཡེ་ཤེས་ལ་ཅི་ལྟ
51a3 པབར་རྫོགས་པ་ནི་སེམས་ཉིད་འཁོར་འདས་གཉིས་ལ་ཆེ་བའི་དོན་ཡིན་ནོ།། ཆོས་ཐམས་ཅད་ཐིག་ལེ་བྱང་ཆུབ་ཀྱི་སེམས་ལ་སྡུད་པ་ནི། སེམས་ཉིད་ཀྱི་ངོ་བོས་ཀུན་ལ་ཁྱབ་པར་གནས་པའོ།། ཁྱབ་བཞིན་ཏུ་གཞན་དུ
51a4 སྤྲོས་པ་གང་ཡང་མེད་པའོ།། རང་གི་བྱང་ཆུབ་ཀྱི་སེམས་མ་བཅོས་པའི་རང་བཞིན་ནི་དོན་གྱི་རྣལ་འབྱོར་ཆེན་པོ་ཞེས་བྱའོ།། སེམས་ཀྱི་རྩོལ་བསྒྲུབ་ལས་འདས་པ་ནི། གནད་དུ་སྐྱེལ་བའི་རིག་པ་ཞེས
51a5 བྱའོ།། འགགས་དང་མ་འགགས་ལ་རག་ལས་པ་ལས་ཀུན་གྱི་སྤྱོད་ཡུལ་མ་ཡིན་ནོ།། རིག་པ་ཕྱི་ནང་མེད་པར་འོད་གསལ་བ་ནི། ཀུན་གཞི་འཕྲུལ་གྱི་མེ་ལོང་ཞེས་བྱའོ།། སེམས་ཉིད་གང་གི་མཐའ་ལ་ཡང་གནས་པ
51a6 མེད་ཅིང་འགྱུར་བ་མེད་པ་ནི་རང་བྱུང་གི་ཡེ་ཤེས་མི་བསྐྱོད་པའི་དབྱིངས་ཆེན་པོ་ཞེས་བྱའོ།། བགྲོད་ཅིང་ལམ་ལ་བཙལ་ཀྱང་རང་བཞིན་གྱི་དོན་ལས་གོང་དུ་ཡང་འདའ་བ་མེད་པ་བདེ་བ་ཆེན་པོར་ཤེས་ན་གོལ་ས
iiif viewer powered by OpenSeadragon
