| e-texts navigator |
| Wylie |
50b1 ཅིང་བརྗོད་ལས་འདས་པ་འཛིན་རྟོག་རྣམ་པ་གཉིས་དང་བྲལ་ཞིང་ངོ་བོ་ཉིད་ཀྱིས་རྣམ་པར་དག་པའི་དོན་གྱི་མཆོག་གོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། སྣང་བ་མི་འགོག་པའི་ལེའུ་སྟེ་བཅུ་གཅིག
50b2 པའོ།། །། དེ་ནས་ཉིད་ཀྱི་རང་བཞིན་གྱིས་ཉིད་ཀྱི་ངོ་བོ་ལ་ཐིག་ལེའི་དོན་མན་ངག་གཅོད་པའི་དོན་བསྟན་པ།། གཞི་གཅིག་ཐིག་ལེ་ཆེན་པོ་ལ།། མཐོང་སྣང་བསམ་གྱིས་མི་ཁྱབ་ཀྱང་། ལོག་པར་མཐོང་བ་དང་།།
50b3 ཕྱོགས་སུ་མཐོང་བ་དང་། མ་རྟོགས་པ་དང་། ཡང་དག་པའི་སྣང་བའོ།། ལྷུན་གྱིས་གྲུབ་པ་དང་ཕྱོགས་གཅིག་པ་རྣམས་ནི་ཕྱོགས་ཆས་འདོད་པའི་བློ་ཙམ་མོ།། གཞིའི་ངོ་བོ་དོན་བདག་ཉིད་ལྷུན་གྱིས་གྲུབ་པ་ངེས་པ
50b4 མེད་ཅིང་གཉིས་སུ་མེད་ཅིང་རང་གྲོལ་བ་ནི་དོན་གཏན་ལ་ཕབས་པའོ།། གཞི་ལམ་འབྲས་བུ་སེམས་གནས་པ། གཡོ་བར་སྨོན་པ། འཇུག་པར་སྨོན་པ། བྱང་ཆུབ་སེམས་ཀྱི་དོན་ལ་སྦྱོར་བའོ།། མ་སྐྱེས་པ་དང་། མི
50b5 འགག་པ་དང་། མི་མཉམ་པ་དང་། རང་གྲོལ་བ་ནི་རང་བཞིན་དང་། རོལ་པ་དང་། མཚན་ཉིད་ཀྱིས་དངོས་སུ་གྲོལ་བའོ།། གོལ་བར་བྱ་བའི་གཞི་དང་། གོལ་བ་རང་གི་རྐྱེན་གྱིས་དང་། འདོད་པ་གོང་འོག་ཏུ་སུན
50b6 འབྱིན་པ་དང་། རང་བྱུང་ཡེ་ཤེས་སུ་ལ་བཟླ་བ་ནི་དོན་གྱི་གཟེར་གདབ་པའོ།། སྣང་ཞིང་སྲིད་པས་བསྡུས་པའི་ཆོས་ཐམས་ཅད་ནི། སངས་རྒྱས་ཀྱི་ངོ་བོ་ཉིད་དེ་དེ་བཞིན་ཉིད་ཀྱི་སྙིང་པོ་ཡིན་ནོ།། སྣང་ཞིང་སྲིད་པས
iiif viewer powered by OpenSeadragon
