| e-texts navigator |
| Wylie |
50a1 དང་ཚིག་དང་ཚིག་མིན་མང་པོ་རྣམས་ལ་གསུང་མི་ཟད་པའི་ཡན་ལག་གིས་ཁྱབ་ཅིང་གསུང་དུ་མ་གྱུར་པ་དང་དབྱངས་མ་ཡིན་པ་གཅིག་ཀྱང་མེད་དོ།། སྣ་ཚོགས་སུ་གསལ་ཡང་གཉིས་སུ་མེད་པའི་ཡེ
50a2 ཤེས་གཅིག་ཁོ་ནའོ།། གཅིག་པུ་རང་ཁོ་ན་ལས་མི་གཡོ་བར་གསལ་བ་ནི་མི་དམིགས་པའི་བསམ་གཏན་ནོ།། སེམས་ཉིད་མི་གཡོ་བ་ནི་གཡོ་བའི་ཡུལ་མེད་པས་སོ།། ཡུལ་མེད་ལ་ཡུལ་སྣང་དུ་སྣང་བ་ནི། བྱང་ཆུབ
50a3 ཀྱི་སེམས་སྤྱོད་ཡུལ་དང་བྲལ་བའོ།། རིས་མེད་པའོ།། ཁྱབ་གདལ་བའོ།། གཟུང་འཛིན་དང་བྲལ་བའོ།། རྣམ་རྟོག་དང་ཀུན་བརྟགས་ཀྱིས་མ་བསླད་པའི་ཆོས་ཉིད་ནི་སེམས་ཉིད་དག་པའོ།། རྟོག་པའི་མཚན
50a4 མ་ཐམས་ཅད་སྤངས་ཤིང་མ་འདྲེས་པ་ལ་ཀུན་ཏུ་དབྱེར་མེད་པར་ས་ལེར་གསལ་བ་ནི་དགོངས་པ་ཡང་ས་དོག་མེད་པའི་ཀླུང་ངོ་།། གཟུགས་ལ་སོགས་པ་སྣ་ཚོགས་སུ་སྣང་བ་ཐམས་ཅད་ནི་སེམས་ཉིད་མི་འགག་པའི
50a5 ཡེ་ཤེས་ཤར་བ་སྟེ་རང་བྱུང་ཡེ་ཤེས་ལ་ནི་སྣ་ཚོགས་སུ་ཤར་ཡང་དབྲི་བསྣན་མེད་པའོ།། ཡེ་ཤེས་གཟུགས་ཅན་མ་ཡིན་པ་ནི་དངོས་པོ་ངོ་བོ་ཉིད་ཀྱིས་སྟོང་པས་རྒྱུ་རྐྱེན་མེད་པའོ།། ངོ་བོ་ཉིད་འདི་ཞེས་བྱ་བའི་མཐའ
50a6 ལས་འདས་པས་གང་གི་ངོ་བོར་ཡང་མ་གྲུབ་པ་སྟེ། ཡང་དག་པར་རྫོགས་པའི་སངས་རྒྱས་ཉག་གཅིག་གི་སྐུ་རུ་གནས་པས་བཅོས་སུ་མེད་པ་མཐའ་ཐམས་ཅད་དང་བྲལ་བ་ཀུན་ལ་ཁྱབ་ཅིང་ཡེ་ནས་བརྡལ་བ་མཚོན
iiif viewer powered by OpenSeadragon
